1 कुरुन्थियों 9:3 - चम्बयाली नौआ नियम

³ जे मणू प्रेरित होणे रे हक पर सवाल चुक्कणे वाले लोक्कां तांइ मेरा ए ही मेरा जवाब है।

1 कुरुन्थियों 9:3 ပူးပေါင်းရင်းမြစ်များ

लूका 12:11

जां से तुसा जो सभास्थल, राज्जेयां अते बड्डे प्रधाना रे मुहाग्गर लेई जाह्न्गे तां फिकर मत करदे कि तुसा अप्पु जो किय्यां बचांगे या असा जो कै बोलणा चाईन्दा

प्रेरितां रे कम्म 22:1

ओ संगी विश्वासियों, मेरा जवाब सुणो, जे मैं तुसा रे सामणे बोलणा लग्गेया

प्रेरितां रे कम्म 25:16

पर मैं तिन्हा जो जवाब दित्तेया कि रोमी मणूआं री ए रीत नी है कि कुसकी मणू जो सजा तांइ सौंपी दैण से तां तांइ इय्यां नी करदे जां तांइ कि आरोपी जो अपणे मुद्देइयाँ रे सामणे खड़े होई करी इल्जामां रा जवाब दैणे रा मौका नी मिल्लो

1 कुरुन्थियों 14:37

जे कोई मणू अपणे आप जो भविष्यद्वक्ता या इदेया कोई मणू समजदा जिस जो पवित्रात्मा कोई खूबी दित्ते री हो, तां से मणू ए जाणी लै कि जे गल्लां मैं तुसा जो लिखदा से प्रभु रे हुकम हिन।

1 कुरुन्थियों 9:2

जे अगर दूज्जे मणू मेरे जो प्रेरित नी मनदे, तां भी मैं तुसा तांइ प्रभु यीशु रा प्रेरित ही है, किजोकी मैं ही तुसा जो सुब बसेख सुणाया थिया ते प्रभु बिच तुसा रा विश्वास मेरे प्रेरित होणे रे सबूत हिन।

1 कुरुन्थियों 9:4

जित्ते तिकर असा रा सवाल है, असा जो अपणी सेवकाई रे कम्म तांइ तुसा का आर्थिक मदद लैणे रा पूरा हक्क है।

2 कुरुन्थियों 13:10

इधेरे तांइ मैं तुसा का आणे का पैल्ले तुसा जो ए गल्लां चीठ्ठी बिच लिख्खेया करदा है, ताकि मेरे जो प्रभु रे दित्ते रे हक जो तुसा जो सजा देई करी दसणे री जरुरत ना पेयो। किजोकी मैं तिस हक जो तुसा रे विश्वास जो मजबूत करणे तांइ इस्तेमाल करण चाह्‍ंदा ना कि तोड़ने तांइ।

2 कुरुन्थियों 13:3

हालांकि तुसा इस गल्ल रा सबूत चाह्‍ंदे कि मसीह यीशु मेरे जरिये गल्ल करदे। जां मसीह तुसा री गलतियां जो सुधारदे तां से कमजोर नी हिन; से तुसा लोक्कां बिच ताकतवर हिन।

2 कुरुन्थियों 13:5

अपणे आप जो परखो ते समझो कि मसीह यीशु बिच तुसा रा विश्वास सच्चा है या नी। तुसा पक्के तौर पर जाणदे कि मसीह यीशु तुसा बिच वास करदे; ते जे अगर तुसा बिच वास नी करदे, तां तुसा रा विश्वास सच्चा नी है।

फिलिप्पियों 1:17

पर जे मणू जलन रखदे, से अपणे फायदे तांइ मसीह रा बसेख सुणांदे, ताकि मेरे जो मेरी कैद बिच होर जादा तकलीफ देई सकण।

फिलिप्पियों 1:7

खरा होणा कि मैं तुसा सबणी तांइ इदेय सोच रख्खां, किजोकी मैं तुसा कने बड़ा वरी प्यार रखदा, किजोकी तुसा मेरे कने ए सौभाग्य परमेश्वर रे अनुग्रह कने हासिल कित्ते रा है, अब्बे भी जां मैं कैद बिच है ते मसीह रे सुब बसेख पर उठणे वाले सवाल्लां रा जवाब दैणे ते तिसजो साबित करणे बिच भी।

2 तीमुथियुस 4:16

पैल्ली वरी मेरे जो रोम सहर बिच हाकिम रे सामणे तिन्हा लोक्कां जो जवाब दैणे तांइ खड़िणा पेया जिन्हा ने मेरे पर किच्‍छ गलत कम्म करणे रा इल्जाम लाया थिया, कोई भी मेरे पास्से का गवाई दैणे तांइ नी आया बल्कि तिन्हा सारे जणेया ने मेरे जो किल्ला छड्डी दित्तेया।