1 कुरुन्थियों 9:26 - चम्बयाली नौआ नियम

²⁶ इसी वजह कने मैं अपणे इक्क ही मकसद पास्से दौड़दा जांदा ते जिय्यां इक्क कुश्तिबाज़ अपणे मुक्केयां जो काबू बिच रखदा, तिय्यां ही मैं भी अपणे विश्वासी जिन्दगी जो मसीह रे काबू बिच जिंदा।

1 कुरुन्थियों 9:26 ပူးပေါင်းရင်းမြစ်များ

मत्ती 11:12

जिस बेल्ले का यूहन्ना बपतिस्मा दैणे वाले ने प्रचार करणा सुरु कित्ते रा है तिस बेल्ले का अब्बे तांइ स्वर्ग रे राज बड़ा जादा बदेया करदा है, अते ताकतवर मणू तिस पर हमला करेया करदे हिन।

लूका 13:24

यीशु ने तिसजो जवाब दित्तेया, “परमेश्वर रे राज जो पुजणे वाले तंग दुआर का जाणे तांइ मैहनत करो, किजोकी बड़े जणेया ने अन्दर जाणे री कोसीस करणी पर जाई नी सकणा।

1 कुरुन्थियों 14:9

तिय्यां ही जां तुसा अपणी जुबान का साफ-साफ गल्ल ना करो तां जे किच्‍छ भी तुसा बोलणा लोक्कां ने से बिल्कुल भी नी समझणा। इस हिसाब कने ता तुसा हवा कने गल करणे वाले ठैहरणे।

2 कुरुन्थियों 5:1

जिय्यां कि असी जाणदे कि इस दुनिया बिच असा रा सरीर इक्क तम्बू सांई है जित्ते असी रैहन्दे। जां असी मरी जाणा तां असा जो परमेश्वर रे पास्से का स्वर्ग का इक्क इदेया सरीर मिलणा जे हत्थां रा बणे रा नी पर हमेसा तिकर रैह्णे वाला है।

2 कुरुन्थियों 5:8

इस तांइ असी हिम्मत बणाई रखदे कि मरणे रे बाद सरीर जो छड्डी करी प्रभु कने रैह्णा होर भी जादा खरा समजदे।

गलातियों 2:2

ते मैं तित्ते इधेरे तांइ गेया किजोकी परमेश्वर ने मेरे जो जाणे तांइ बोल्लेया थिया, अते जे सुब बसेख मैं गैर यहूदी लोक्कां बिच प्रचार करदा थिया, तिसजो मैं एकांत बिच कलीसिया रे प्रधान मणूआं जो सुणाया ताकि जे कम्म मैं पैल्ले कित्ते थिये से बेकार नी ठैहरे।

फिलिप्पियों 1:21

किजोकी जे अगर मैं जियां तां से मसीह यीशु री बड़ाई करणे तांइ होणा, ते जे अगर मैं मरी भी जां तां से भी फायदेमंद है किजोकी तां मैं मसीह कने रैह्णा।

कुलुस्सियों 1:29

इधेरे तांइ मैं मसीह री ताकत पर, जे मेरे अंदर कम्म करदी, निर्भर होई करी कड़ी मैहनत करदा।

2 तीमुथियुस 1:12

इसी गल्ल री वजह कने मैं इत्ते कैद बिच दुख भी सहन करेया करदा है, मैं फिरी भी इस गल्ल तांइ शर्मिंदा नी है किजोकी मैं मसीह जो जाणदा जिन्हा पर मैं विश्वास कित्ते रा है ते मेरे जो पक्का पता है कि से तिसेरी रखवाली करणे बिच पूरे तरिक्के कने ताकतवर हिन जे तिन्हा ने मेरे जो सौंप्पे रा है।

2 तीमुथियुस 2:5

फिरी, जे अगर कोई मणू कुश्ति बिच लड़े, पर कुश्ति रे नियमां जो ना मन्ने तां तिसजो ईनाम नी मिलणा।

2 तीमुथियुस 4:7

इक्क पहलवान सांई मैं भी इक्क ठीक लड़ाई लड़े री है, मैं से कम्म पूरा कित्ते रा है जे मेरे जो मसीह ने दित्तेया थिया जिय्यां कि इक्क दौड़ लाणे वाला अपणी दौड़ पूरी करदा ते मैं आखिर तिकर भरोस्सेमंद रेया।

इब्रानियों 12:1

जां विश्वास बिच जीणे वाले इन्हा मणूआं री मती सारी गवाहियां जो असी जाणदे, इधेरे तांइ आओ, असी तिन्हा सारी चीजां जो छड्डी दैण, जे असा जो रोकदी, ते उलझाणे वाले जो दुर करी के, सबर कने तिस रस्ते पर बदधे जाण, जिस पर असा जो जाणा चाएदा।

इब्रानियों 4:1

परमेश्वर ने असा जो तिस अराम री जगाह् पर लेई जाणे रा वादा कित्ते रा है, इधेरे तांइ असा जो सावधान रैह्णा चाएदा, इय्यां ना हो कि तुसा बिच का कुसकी जो भी तिस जगाह् बिच जाणे रा मोक्कां नी गुआणा चाएदा।

1 पतरस 5:1

तुसा रे कलीसिया रे बुजुर्ग लोक्कां कने मैं इक्क संगी मुखिया ते मसीह पर होए जुल्मां रा इक्क इदेया गवाह होणे रे नात्ते, जिनिये तिन्हेरी महिमा बिच हिस्सेदार भी होणा ए बिनती करदा,

2 पतरस 1:10

इधेरे तांइ ओ संगी विश्वासियों, होर भी जादा कोसीस करो कि तुसा इस तरिक्के कने रेयो कि जिस कने लोक्कां जो पता चले कि हकीकत बिच परमेश्वर ने तुसा जो सद्देया ते चुणे रा है। जे अगर तुसा इय्यां करगे, तां तुसा कदी भी परमेश्वर का अलग नी होणा।