1 कुरुन्थियों 9:20 - चम्बयाली नौआ नियम

²⁰ मतलब ए है कि यहूदी लोक्कां जो मसीह बिच छिक्की अणने तांइ यहूदी बणेया जे मणू मूसा रा कानून रे मनदे। तिन्हा लोक्कां तांइ मैं मूसा रे कानून जो ना मनणे वाला हुंदे होए भी तिसेरे अधीन होया कि यहूदी लोक्कां जो मसीह बिच छिक्की अणां जे मूसा रे कानून रे अधीन हिन।

1 कुरुन्थियों 9:20 ပူးပေါင်းရင်းမြစ်များ

प्रेरितां रे कम्म 16:3

पौलुस ने चाह्‍ंदा थिया कि ए मेरे कने चलन, ते जे यहूदी मणू तिन्हा जगाह् बिच थिये तिन्हेरी वजह कने तिसेरा खतना कित्तेया, किजोकी से जाणदे थिये, कि तिसेरा प्यो यूनानी थिया

प्रेरितां रे कम्म 18:18

तां पौलुस बड़े रोज्जां तांइ कुरिन्थ सहर बिच ही रेया, पौलुस ने किंख्रिया कस्बे बिच अपणे बाल मुण्डवाये किजोकी तिसने इक्क मन्नत मन्नी थी फिरी विश्वासियां का बिदा लेई करी से किस्ती पर बेई करी सीरिया जो चली गेया तिसेरे कने प्रिस्किल्ला कने अक्विला भी थिये।

रोमियों 11:14

ताकि कुसकी तरिक्के कने मैं अपणे यहूदी लोक्कां बिच हिर्स पैदा करवाई करी, तिन्हा बिच का मते जणेया रा छुटकारा करवां।

रोमियों 3:19

असी जाणदे की मूसा रा कानून, जे किच्‍छ भी बोलदा, सिर्फ तिन्हा जो ही बोलदा जे तिस कानून थल्ले हिन, ताकि कोई भी मणू बहान्ने ना बणाई सके, ते परमेश्वर दुनिया रे सारे लोक्कां जो पापी ठैहराए ते तिन्हा जो सजा दे।

गलातियों 2:19

मैं ए गल्ल समजदा कि मैं मूसा रे कानून जो मनणे कने धार्मिक नी ठैहरी सकदा। तां मैं ए समजदा कि मैं मूसा रे कानून तांइ मरी गेया ताकि मैं परमेश्वर तांइ जियां।

गलातियों 4:21

तुसा जे मूसा रे कानून रे हिसाब कने जीणा चाह्‍ंदे, मेरी इक्क गल्ल सुणो, मैं तुसा जो दसदा कि मूसा रे कानून बिच कै लिख्खे रा है।

गलातियों 4:5

ताकि जे मणू मूसा रे कानून रे वस बिच रैह्णे वाले लोक्कां जो अजादी देई दे ते तिन्हा ने असा जो अपणे बच्चेयां सांई गोद लेई लित्ता।

गलातियों 5:18

ते जे अगर तुसा पवित्रात्मा रे कहे मुताबिक चलदे, तां तुसा जो मूसा रे कानून जो मन्नी करी चलणे री जरुरत नी है।