1 कुरुन्थियों 9:17 - चम्बयाली नौआ नियम

¹⁷ जे अगर मैं अपणे मर्जी कने सुब बसेख रा प्रचार करां तां परमेश्वर ने मेरे जो ईनाम दैणा। पर जे अगर मैं ए अपणी मर्जी कने ना करां तां भी ए इक्क पवित्र जिम्मेदारी है जे परमेश्वर ने मेरे जो सौंप्पे री है।

1 कुरुन्थियों 9:17 ပူးပေါင်းရင်းမြစ်များ

मत्ती 10:41

जे कुसकी भविष्यद्वक्ता जो भविष्यद्वक्ता समजी करी अपणांदा, तिसजो से ही ईनाम मिलणा जे भविष्यद्वक्ता जो मिलणा, अते जे तुसा कुसकी धार्मिक मणू जो धार्मिक मणू मन्नी करी अपणांदे तां तुसा जो से ही ईनाम मिलणा जे धार्मिक मणू जो मिलणा चाएदा।

मत्ती 24:25

दिख्खो मैं पैल्ले का ही तुसा जो सब किच्‍छ दस्सी रख्खे रा है।

लूका 12:42

यीशु ने जवाब दित्तेया, इदेया विश्वास लायक अते समजदार मुंशी कुण है, जिसेरा मालक तिसजो तिसेरे घर री देखभाल ते तिन्हेरे नौक्करां जो रोट्टी दैणे री जिम्मेदारी देई सको?

यूहन्ना 4:36

फसल कटणे वाले जो बदिया मजूरी मिलदी, ते बाड्डी वाली फसल से मणू हिन जिन्हा जो से हमेसा री जिन्दगी बिच पूजांदे। बीह् बाणे वाले ते फसल कटणे वाले दोन्नां जो बड़ा वरी आनंद मिलणा!

1 कुरुन्थियों 3:14

ते जे कम्म तिस मणू ने तिस नीं पर कित्ते रा है, जे अगर से कम्म नी फुकिंदा, तां तिसजो ईनाम मिलणा।

1 कुरुन्थियों 3:8

मैं तुसा बिच मसीह रा बसेख सुणाया ते तुसा जो शिक्षा दैणा सुरु कित्तेया ते अप्पुल्लोस ने तुसा जो शिक्षा दैणा जारी रख्खेया पर असा दोन्नों रा इक्क ही मकसद है। पर हर इक्क जणे जो अपणे कम्मां रे हिसाब कने परमेश्वर का मजदूरी मिलणी।

1 कुरुन्थियों 4:1

असा जो मसीह रे से सेवक समझो जिन्हा जो परमेश्वर रे बसेख रे राज़ जो फैलाणे रा कम्म दित्ते रा है।

1 कुरुन्थियों 9:16

जे अगर मैं सुब बसेख सूणां, तां मेरे तांइ किच्‍छ भी घमंड करणे री गल्ल नी है किजोकी मसीह ने मेरे जो इय्यां करणे रा हुकम दित्ते रा है। पर जे अगर मैं सुब बसेख ना सूणां ता ए मेरे पर लाणत है।

1 कुरुन्थियों 9:18

तां मेरी मजूरी ए है कि मैं मुफ्त बिच मसीह यीशु रा सुब बसेख सूणां ते हालांकि मेरे जो तुसा का आर्थिक मदद लैणे रा हक है तां भी मैं इस काबिल है कि बगैर तिसेरे मैं सुब बसेख रा प्रचार करां।

2 कुरुन्थियों 8:12

किजोकी जे अगर तुसा अपणे पूरे मन कने दान दिंदे, तां से मंज़ूर भी हुंदा। ते जे किच्‍छ भी तुसा का है, तिसेरे हिसाब कने दान करो, ना कि जे तुसा का नी है।

गलातियों 2:7

पर इन्हा प्रधान मणूआं ने दिख्खेया कि जिय्यां परमेश्वर ने पतरस जो यहूदी लोक्कां जो सुब बसेख सुनाणे रा कम्म दित्ते रा है, तिय्यां ही मेरे जो भी गैर यहूदियां बिच सुब बसेख सुनाणे रा कम्म दित्ते रा है।

कुलुस्सियों 1:25

इस कलीसिया तांइ मैं तुसा वास्ते परमेश्वर रे जरिये मेरे जो सौप्पि गे री सेवा तांइ इक्क दास रे रुप बिच चुणेया गे रा है, ताकि मैं परमेश्वर रे बसेख जो पूरे तरिक्के कने प्रचार करी सकां।

1 थिस्सलुनीकियों 2:4

पर जिय्यां परमेश्वर ने असा जो इस जोग्गे ठैहराई करी सुब बसेख दित्तेया, असी तैसा ही बखाण करदे, ते इस बिच मणूआं जो नी, पर परमेश्वर जो खुस करदे जे असा रे दिल री गल्लां जो जांचदे।

फिलेमोन 1:14

पर मैं तेरी मर्जी रे बगैर किच्‍छ भी नी करणा चाह्‍ंदा ताकि तू कुसकी दवाब बिच नी पर अपणी खुसी कने मेरी मदद करे।