1 कुरुन्थियों 9:16 - चम्बयाली नौआ नियम

¹⁶ जे अगर मैं सुब बसेख सूणां, तां मेरे तांइ किच्‍छ भी घमंड करणे री गल्ल नी है किजोकी मसीह ने मेरे जो इय्यां करणे रा हुकम दित्ते रा है। पर जे अगर मैं सुब बसेख ना सूणां ता ए मेरे पर लाणत है।

1 कुरुन्थियों 9:16 ပူးပေါင်းရင်းမြစ်များ

मत्ती 25:16

तां, जिस जो पांज्ज तोड़े मिल्ले थिये, उसने झट ही उन्हा जो कम्म पर लाई दित्तेया अते पंज तोड़े होर कमाई लै।

लूका 9:62

यीशु ने तिसजो बोल्लेया, इदेया कोई भी मणू, जे हल पर हत्थ रखणे का बाद पीच्छे दिखदा, से परमेश्वर रे राज अन्दर रैह्णे जोग्गा नी है।

प्रेरितां रे कम्म 4:20

किजोकी ए तां असा का होई नी सकदा कि जे किच्‍छ असा ने दिख्खेया ते सुणे रा ओ से ना बोलण

प्रेरितां रे कम्म 9:15

पर प्रभु ने तिस बोल्लेया, जा, किजोकी शाऊल तां जो मैं चुणी लित्ते रा है कि से गैर यहूदियां, राज्जेयां अते इस्राएल रे लोक्कां बिच मेरा प्रचार करे।

प्रेरितां रे कम्म 9:6

पर अवे उठी करी कस्बे बिच जा, अते जे तेरे जो करणा है से तेरे जो दस्सी दित्तेया जाणा,

रोमियों 1:14

किजोकी मैं मसीह रा सुब बसेख सुनाणे तांइ सभ्य लोक्कां रा ते असभ्य लोक्कां रा कर्जदार है, मैं पढे-लिख्खे लोक्कां रा ते अनपढ़ां रा भी कर्जदार है।

रोमियों 15:17

मैं मसीह यीशु री वजह कने परमेश्वर री सेवा पर गर्व करी सकदा।

रोमियों 4:2

किजोकी जे अगर अब्राहम ठीक कम्मां कने धार्मिक ठैहराया जादां, तां तिन्हा का घंमड करणे री वजह होई सकदी थी, पर से परमेश्वर रे सामणे घमंड नी करी सकदे।

1 कुरुन्थियों 4:15

मसीह यीशु रे पीच्छे चलणे तांइ तुसा जो सिखाणे वाले शायद दस हजार मणू भी होई सकदे, पर सिर्फ मैं ही तुसा तांइ इक्क प्यो सांई है, किजोकी मैं ही सबका पैल्ले तुसा जो सुब बसेख सुणाया, जिसेरा अंजाम ए होया कि अवे तुसा मसीह यीशु बिच विश्वास करदे।

1 कुरुन्थियों 9:12

जां तुसा दूज्जे प्रेरितां री इन्नी मदद कित्ती तां फिरी तुसा जो इसका भी जादा बधी करी असा री मदद करणा चाएदी। पर असा ने तुसा लोक्कां पर असा री मदद करणे रा दवाब नी पाया पर इसेरे बजाए असा ने सब किच्‍छ सहन कित्तेया ताकि असा री वजह कने मसीह यीशु रे सुब बसेख बिच कोई रुकावट ना आए।

1 कुरुन्थियों 9:14

इय्यां ही प्रभु ने भी ठैहराए रा है कि जे मणू सुब बसेख सुणांदे, तिन्हेरी रोजी-रोटी रा गुजारा भी सुब बसेख सुनणे वाले लोक्कां का ही हो।

2 कुरुन्थियों 2:12

जां मैं मसीह यीशु रा सुब बसेख सुनाणे त्रोआस सहर बिच आया, तां प्रभु ने मेरे जो सुब बसेख सुनाणे रा बड्डा मौक्का दित्तेया।

कुलुस्सियों 4:17

अरखिप्पुस जो बोल्लेयो, जे सेवा करणे तांइ प्रभु ने तेरे जो चुणे रा है, ध्यान रे कि तू तिस सेवा जो पूरा करे।