1 कुरुन्थियों 9:13 - चम्बयाली नौआ नियम

¹³ तुसा जो पता ही है कि जे मन्दिर बिच सेवा करदे, से मन्दिर बिच का ही खान्दे, ते जे वेदी री सेवा करदे से वेदी पर चढ़ाए जाणी वाली चीजां रे हिस्सेदार हुंदे।

1 कुरुन्थियों 9:13 ပူးပေါင်းရင်းမြစ်များ

रोमियों 6:16

तुसा जाणदे कि जां तुसा अप्पु जो कुसकी रा गुलाम बणने तांइ सौंप्पि दिंदे, तां से मणू तुसा रा मालिक बणी जांदा। जे अगर तुसा चाओ ता पाप रे गुलाम बणी सकदे जे मौत दिंदा, या तुसा अप्पु जो परमेश्वर रे हुकम मनणे तांइ सौंप्पि सकदे जे तुसा जो धार्मिक ठैहरांदे।

1 कुरुन्थियों 10:18

इस्राएल रे लोक्कां रे बारे बिच सोच्चो, जां से तिस रोट्टी जो खांदे जे परमेश्वर जो भेंट चढ़ाए री हुंदी, तां से परमेश्वर री अराधना करणे बिच शामिल हुंदे, तिय्यां ही जे मणू मूर्तां जो चढ़ाए री भेंट खांदे तां से मूर्तां री अराधना करणे बिच शामिल हुंदे।

1 कुरुन्थियों 9:24

तुसा जो पता ही है कि दौड़ बिच तां मते जणे दौड़दे, पर ईनाम सिर्फ इक्क जणे जो ही मिलदा। तुसा तिय्यां ही दौड़ो कि जीत्ती जाओ।