1 कुरुन्थियों 9:11 - चम्बयाली नौआ नियम

¹¹ किजोकी असा ने तुसा लोक्कां बिच परमेश्वर रे बसेख रा बीह् बाये रा है, इधेरे तांइ ए तुसा रा फर्ज़ है कि तुसा असा री रोज-मर्रा री जरुरतां जो पूरा करो।

1 कुरुन्थियों 9:11 ပူးပေါင်းရင်းမြစ်များ

मत्ती 10:10

रस्ते तांइ ना झोली रख्खो, ना दो कुरते, ना जूत्ते ना सोठी, किजोकी मजदूर जो तिसेरी रोट्टी मिलणी चाएदी।

रोमियों 15:27

तिन्हा ने ए सब किच्‍छ अपणी मर्जी कने कित्तेया। से यरुशलेम रे विश्वासियां रे कर्जदार हिन। किजोकी जां गैर यहूदी विश्वासियां ने यरुशलेम रे विश्वासियां रे जरिये परमेश्वर रे सुब बसेख री आत्मिक आशीषां जो हासिल कित्तेया, तां तिन्हा जो ए महसूस हुंदा कि तिन्हेरी आर्थिक मदद करी के तिन्हेरा कर्जा चुकाई दैण।

1 कुरुन्थियों 9:14

इय्यां ही प्रभु ने भी ठैहराए रा है कि जे मणू सुब बसेख सुणांदे, तिन्हेरी रोजी-रोटी रा गुजारा भी सुब बसेख सुनणे वाले लोक्कां का ही हो।

2 कुरुन्थियों 11:15

इधेरे तांइ इस गल्ल बिच कोई हैरानी नी है कि शैतान रे दास भी परमेश्वर री सेवा करणे वालेयां रे भेस बिच आंदे। तिन्हेरे कम्मां रे हिसाब कने तिन्हेरा खातमा होई जाणा।

गलातियों 6:6

जे मणू परमेश्वर रे वचन री शिक्षा पाया करदे हिन, तिन्हा जो हर इक्क ठीक चीजां अपणे सिखाणे वालेयां कने बडंणी चाएदी।

फिलिप्पियों 4:17

मैं ए नी लिख्खेया करदा है कि मैं तुसा का दान चाह्‍ंदा, पर मैं चाह्‍ंदा कि ए भी तुसा रे भले कम्मां री सुची बिच जुड़ी जाए जिन्हा तांइ परमेश्वर ने तुसा जो ईनाम दैणा।