1 कुरुन्थियों 9:10 - चम्बयाली नौआ नियम

¹⁰ ए खासतौर पर असा तांइ बोलदा। हाँ, ए असा तांइ ही लिख्खे गे रा है, किजोकी ए जरुरी है कि जोतणे वाला उम्मीद कने जोत्तो अते दाँवने वाला तिस फसल बिच हिस्सा मिलणे री आस कने दाँवनी करो।

1 कुरुन्थियों 9:10 ပူးပေါင်းရင်းမြစ်များ

मत्ती 24:22

अगर से दिन घटाए ना गेरे हुदें तां मणू ही नी बचदा, पर चुणे रे लोक्कां री वजह कने से दिन घटाए जाणे।

रोमियों 15:4

जिन्नी गल्लां पैल्ले पवित्रशास्त्र बिच लिख्खी गे री हिन, से असा जो शिक्षा दैणे तांइ ही लिख्खी गे री हिन, कि असी सबर ते पवित्रशास्त्र का मिलणे वाले प्रोत्साहन कने ए आस बणाई रखण, कि परमेश्वर ने वादा कित्ते रा है तिसजो तिन्हा ने पूरा करणा।

1 कुरुन्थियों 3:9

किजोकी असी मणू परमेश्वर रे सहकर्मी हिन ते तुसा विश्वासी मणू परमेश्वर रे खेत्तर सांई हिन, ते तुसा परमेश्वर रे घर सांई हिन।

2 कुरुन्थियों 4:15

जे किच्‍छ असा कने घटे रा है, से तुसा रे फायदे तांइ ही हिन ताकि जिय्यां परमेश्वर रा अनुग्रह जादा का जादा लोक्कां जो मसीह बिच लेई आया करदा है तिस कने मते लोक्कां ने परमेश्वर रा तिन्हेरी महिमा तांइ शुकर करणा।

2 तीमुथियुस 2:6

फसल रे पैल्ले हिस्से रा हकदार भी से किसान ही है जिनिये तिसजो बाणे बिच मैहनत कित्ते री है।