1 कुरुन्थियों 8:8 - चम्बयाली नौआ नियम

⁸ पर रोट्टी असा जो परमेश्वर रे नेड़े नी लाई सकदी। खाणे का मना करणे कने असी परमेश्वर जो घट खुस करणे वाला नी बणी जांदे। ते ना ही खाणे कने असी परमेश्वर जो जादा खुस करी सकदे।

1 कुरुन्थियों 8:8 ပူးပေါင်းရင်းမြစ်များ

मत्ती 25:15

तिन्ने इक्क जो पंज तोड़े, अते दूए जो दो, ते त्रिये जो इक्क से हर इक्क जो उसेरी काबलियत रे हिसाब कने देई करी परदेस जो चली गेया।

रोमियों 14:17

किजोकी परमेश्वर रे राज बिच खाणा-पीणा नी है, पर धार्मिकता, मेल जोल ते से सांती है, जे पवित्रात्मा कने हुन्दा।

1 कुरुन्थियों 6:13

तुसा मणू बोलदे कि रोट्टी पेट तांइ जरुरी है ते पेट रोट्टी तांइ जरुरी। ए गल्ल सही ता है पर इक्क दिन परमेश्वर ने इन्हा दोन्नां जो मुकाई दैणा। पर कोई भी मणू ए नी बोल्ली सकदा कि असा रे सरीर व्यभिचार तांइ बणे रे हिन। असा रे सरीर प्रभु रे हिन ते असा जो अपणे शरीरां जो प्रभु री इच्छा पूरी करणे तांइ इस्तेमाल करणा चाएदा।

इब्रानियों 13:9

नौई ते बखरी-बखरी शिक्षां रे पीच्छे मत चलदे, जिन्हा ने तुसा जो सही रस्ते का गलत रस्ते पर लेई जाणा। परमेश्वर रा अनुग्रह कने अंदरूनी ताकत पाणा ठीक गल्ल है, ते खाणे-पीणे रे कानूनां जो ना मनणा खरा है, किजोकी जे मणू इन्हा कानूनां जो मनदे, तिन्हा जो इन्हा कने कोई फायदा नी होणा।