1 कुरुन्थियों 8:3 - चम्बयाली नौआ नियम

³ परमेश्वर अपणे प्यार करणे वालेयां जो पैछाणदे।

1 कुरुन्थियों 8:3 ပူးပေါင်းရင်းမြစ်များ

मत्ती 7:23

तां मैं तिन्हा कने साफ बोलणा मैं तुसा जो नी जाणदा, ओ पापियों, मेरे का दुर हटो।

यूहन्ना 10:14

खरा पुहाल मैं है, मैं अपणी भेड़ां जो ते मेरी भेड़ां मेरे जो तिय्यां ही जाणदी

यूहन्ना 21:17

तिन्हा ने तिज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार रखदा? पतरस उदास होई गेया कि यीशु ने तिसका तिज्जी वरी इय्यां बोल्लेया कि, कै तू मेरे कने प्यार रखदा? अते तिसने बोल्लेया, ओ प्रभु जी, तुसा तां सब किच्‍छ जाणदे तुसा जाणदे हिन कि मैं तुसा कने प्यार रखदा यीशु ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई चरा।

रोमियों 11:2

परमेश्वर ने अपणे तिन्हा लोक्कां जो नी छड्डेया, जिस जो तिन्हा ने पैल्ले का ही चुणी लित्ते रा है। कै तुसा जो पता नी है, कि पवित्रशास्त्र एलिय्याह भविष्यद्वक्ता रे बारे बिच कै दसदा? से परमेश्वर कने इस्राएल रे लोक्कां री शिकायत करी के ए बोलदा,

1 कुरुन्थियों 13:12

ए असी विश्वास करणे वाले लोक्कां तांइ इक्क ही जदेया है किजोकी असी इक्क इदेय मणू सांई हिन जे इक्क धुंधले सीसा बिच अपणी परछाई दिख्खेया करदे हिन, सिर्फ अग्गे चली करी भविष्य बिच असा जो हकीकत बिच सब किच्‍छ समझ बिच आणा किजोकी असा ने परमेश्वर जो आमणे-सामणे दिखणा। परमेश्वर रे बारे बिच हल्ले मेरा ज्ञान अद्दा-अधुरा है पर से समय आणा जां मैं परमेश्वर जो तिन्ना ही जाणना, जिन्ना परमेश्वर मेरे जो जाणदे।

1 कुरुन्थियों 2:9

पर जिय्यां की पवित्रशास्त्र बिच लिख्खे रा है, “जिन्हा गल्लां जो कुसकी ने नी दिख्खेया अते कुसकी ने नी सूणेया, अते कुसकी ने तिन्हा ठीक गल्लां जो नी समजेया जे परमेश्वर ने अपणे प्यार करणे वालेयां तांइ तैयार कित्तेया।”

गलातियों 4:9

पर अवे ता असा ने परमेश्वर जो जाणी लित्ते रा है, बल्कि इय्यां बोलणा जादा सही होणा कि पैल्ले परमेश्वर ने असा कने रिस्ता बणाया। तां फिरी किय्यां तिस कमजोर ते सुरुआती शिक्षा पास्से मुड़ी सकदे? तुसा फिरी किजो तिन्हेरे गुलाम बणना चाह्‍ंदे?

2 तीमुथियुस 2:19

तां भी परमेश्वर रे लोक्कां रा विश्वास कुसकी घरे री नीं सांई मजबूत है जे बिल्कुल भी हिलदी नी। तिस नीं पर ए गल्लां लिखित्ते री हिन, “परमेश्वर जाणदे कि तिन्हेरे मणू कुण हिन” ते ए भी “जे मणू परमेश्वर री अराधना करदे तिन्हा जो बुराई करणा छड्डी दैणा चाएदा।”

याकूब 1:12

धन्न है से मणू, जे परखे जाणे रे बेल्ले टिकी रैहन्दा; किजोकी खरा साबित होणे पर तिसजो हमेसा री जिन्दगी रा से मुकट मिलणा, जिस जो दैणे रा वादा परमेश्वर ने तिन्हा लोक्कां कने कित्ते रा है जे परमेश्वर कने कित्ते रा है।

याकूब 2:5

ओ मेरे प्यारे संगी विश्वासियों, ध्यान देयो, परमेश्वर ने इस दुनिया रे गरीब लोक्कां जो मता विश्वास दित्ते रा है ते से अपणे राज रा हिस्सा तिन्हा सारे लोक्कां जो दैणे रा वादा कित्ते रा है जे परमेश्वर कने प्यार करदे।

1 पतरस 1:8

तुसा ने मसीह यीशु जो कदी भी नी दिख्खे रा है पर फिरी भी तुसा तिन्हा जो प्यार करदे। तुसा इस बेल्ले तिन्हा जो दिख्खी नी सकदे पर तुसा तिन्हा बिच विश्वास करदे। इधेरे तांइ तुसा तिस आनंद ते महिमा बिच खुस हुंदे जे शब्दां बिच बयान नी होई सकदी।

1 यूहन्ना 4:19

असी परमेश्वर कने ते दूए लोक्कां कने इधेरे तांइ प्यार करदे किजोकी परमेश्वर ने पैल्ले असा कने प्यार कित्ता।

1 यूहन्ना 4:7

ओ प्यारेयों, असी अप्पु-मिते प्यार रखण किजोकी प्यार परमेश्वर रे पास्से का है, ते जे दूज्जेयां कने प्यार रखदा, से परमेश्वर रा बच्चा है, ते परमेश्वर जो जाणदा।

प्रकाशित वाक्य 2:13

मैं जाणदा कि तुसा रा कस्बा शैतान रे वस बिच है, पर इय्यां हुंदे होए भी तुसा ने मेरे बिच अपणा विश्वास मजबूती कने बणाई रख्खेया ते मेरे पर विश्वास करणा नी छड्डेया, तिस बेल्ले भी नी जां लम्बे समय पैल्ले अन्तिपास जो मारी दित्तेया गेया थिया। से मेरा बसेख सुनाणे बिच भरोस्सेमंद थिया, इधेरे तांइ तिसजो तुसा रे कस्बे बिच मारी रख्खेया गेया जित्ते शैतान रा काबू है।

प्रकाशित वाक्य 2:19

मैं जाणदा कि तुसा इक्क-दूए कने प्यार करदे ते तुसा मेरे पर बड़ा वरी विश्वास करदे। मैं जाणदा कि तुसा किय्यां इक्क-दूए री मदद करदे, ते तुसा रे सबर कने सहन करणे री खूबी जो भी मैं जाणदा। मैं जाणदा कि तुसा अवे ए सब किच्‍छ तिस समय का जादा करेया करदे हिन जां तुसा पैल्ली वरी मेरे पर विश्वास कित्तेया थिया।

प्रकाशित वाक्य 2:9

मैं जाणदा कि तेरे पर बड़े जुल्म होए रे हिन ते तू गरीब है। पर आत्मिक गल्लां बिच तू अमीर है। मैं तिन्हा यहूदी मणूआं जो जाणदा जे परमेश्वर रे चुणित्ते रे मणू होणे रा दावा ता करदे पर से हकीकत बिच चुणित्ते रे नी हिन। से तुसा री बुराई करदे ते से शैतान रे गुट रे मणू हिन।