1 कुरुन्थियों 8:2 - चम्बयाली नौआ नियम

² तुसा इय्यां समजदे कि तुसा किच्‍छ जाणदे, पर हल्ले तांइ तुसा इस तरिक्के कने नी जाणदे जिस तरिक्के तुसा जो जाणदा चाएदा।

1 कुरुन्थियों 8:2 ပူးပေါင်းရင်းမြစ်များ

रोमियों 11:25

ओ संगी विश्वासियों, मैं चाह्‍ंदा कि तुसा इस भेद री गल्ल जो समजी जाओ ताकि तुसा जो अप्पु पर घमंड ना हो। इस्राएल रे किच्‍छ लोक्कां ने तां तांइ इदेया ही सख्त रैह्णा जां तांइ गैर यहूदी मणू पूरी तरिक्के कने मसीह बिच विश्वास नी करी लिंदे।

1 कुरुन्थियों 13:12

ए असी विश्वास करणे वाले लोक्कां तांइ इक्क ही जदेया है किजोकी असी इक्क इदेय मणू सांई हिन जे इक्क धुंधले सीसा बिच अपणी परछाई दिख्खेया करदे हिन, सिर्फ अग्गे चली करी भविष्य बिच असा जो हकीकत बिच सब किच्‍छ समझ बिच आणा किजोकी असा ने परमेश्वर जो आमणे-सामणे दिखणा। परमेश्वर रे बारे बिच हल्ले मेरा ज्ञान अद्दा-अधुरा है पर से समय आणा जां मैं परमेश्वर जो तिन्ना ही जाणना, जिन्ना परमेश्वर मेरे जो जाणदे।

1 कुरुन्थियों 3:18

जे अगर तुसा बिच कोई अप्पु जो इस जुग रे लोक्कां री नजर बिच अप्पु जो समजदार समजे तां अप्पु जो इस जमाने रे लोक्कां री नजर बिच बेवकूफ भी समजे ताकि तुसा परमेश्वर री नजर बिच भी समजदार बणो।

गलातियों 6:3

किजोकी जे अगर कोई सोचदा कि से कोई खास मणू है पर हकीकत बिच से नी है, तां से अप्पु जो धोख्खा देया करदा है।