1 कुरुन्थियों 8:13 - चम्बयाली नौआ नियम

¹³ इस वजह कने अगर मूर्तां रे सामणे चढ़ाए री रोट्टी खाणा मेरे संगी विश्वासी रे मसीह यीशु बिच विश्वास करणे का हटणे री वजह बणदा तां मैं कदी कुसकी भी तरिक्के कने से रोट्टी नी खाणी, इय्यां ना हो कि मैं अपणे संगी विश्वासियां तांइ विश्वास का भटकणे री वजह बणी जां।

1 कुरुन्थियों 8:13 ပူးပေါင်းရင်းမြစ်များ

मत्ती 17:27

पर असी उन्हा लोक्कां जो नराज ना करी दैण, इधेरे तांइ तू झील रे बन्ने पर जाई करी कंडा पा, अते जे मच्छी पैल्ले निकलगी, तिसजो लै अते तिसेरा मुँह् खोलण तिज्जो इक्क चाँन्दी सिक्का मिलणा, तिसजो लेई करी मेरे अते अपणे बदले तिन्हा जो देई देयां।

प्रेरितां रे कम्म 15:20

पर तिन्हा जो चीठ्ठी लिख्खी भेज्जो, कि से मूर्तां जो चढ़ाई री रोट्टी तुसा जो नी लैणी चाएदी ते व्यभिचार का बची रैह्ण गला घोटी करी मारे रे जानवर रा मांस ना खाण ते खून जो कदी ना खाण,

रोमियों 14:13

इधेरे तांइ, अग्गे का असी इक्क-दूए पर इल्जाम ना लाण, पर तुसा ए पक्का सोच्ची लेयो कि कोई अपणे संगी विश्वासी तांइ पाप करणे री वजह ना बणे।

रोमियों 14:21

भला ता ए है कि तुसा ना मांस-मच्छी खाओ, ना ही अंगूर रा रस्स पीयो, ते ना ही इदेया किच्‍छ करो, जिस कने तुसा रे संगी विश्वासी रे विश्वास बिच रुकावट बणे।

1 कुरुन्थियों 10:32

जे किच्‍छ भी मैं करदा तिस बिच मैं सारेयां जो खुस करणे री कोसीस करदा, मैं सिर्फ अपणा फायदा नी सोचदा पर सारेयां रे फायदे तांइ सोचदा ताकि से मणू छुटकारा पाई सकण। तिय्यां ही तुसा इस तरिक्के कने जिन्दगी जियो कि यहूदी, गैर यहूदी ते परमेश्वर री कलीसियां रे लोक्कां तांइ मुसीबत री वजह बणो।

1 कुरुन्थियों 13:5

प्यार करणे वाले मणू दुज्जेया री बेज़ती नी करदे, से मणू मतलबी नी हुंदे, से सिर्फ अपणी खुसी नी तोपदे, से बड़े तौले गुस्सा नी करदे, ते से अपणे कने होए री बुरी गल्लां जो हमेसा चेत्ता नी रखदे।

1 कुरुन्थियों 6:12

तुसा बिच का किच्‍छ मणू बोलदे कि असी जे मर्जी चाए से करी सकदे, पर मैं तुसा जो बोलदा कि हर किच्‍छ असा तांइ खरा नी है। इधेरे तांइ मैं कुसकी भी चीज रे वस बिच नी होणा चाह्‍ंदा।

1 कुरुन्थियों 9:12

जां तुसा दूज्जे प्रेरितां री इन्नी मदद कित्ती तां फिरी तुसा जो इसका भी जादा बधी करी असा री मदद करणा चाएदी। पर असा ने तुसा लोक्कां पर असा री मदद करणे रा दवाब नी पाया पर इसेरे बजाए असा ने सब किच्‍छ सहन कित्तेया ताकि असा री वजह कने मसीह यीशु रे सुब बसेख बिच कोई रुकावट ना आए।

2 कुरुन्थियों 11:29

जां कोई विश्वासी भ्याल कमजोर महसूस करदा, तां मैं भी कमजोर महसूस करदा। जां कोई मणू पाप री जिन्दगी बिच फिरी हटी जांदा, तां मेरे जो बड़ा दुख हुंदा।

2 कुरुन्थियों 6:3

परमेश्वर रे सहकर्मी होणे रे नात्ते असी कुसकी गल्ल बिच ठोक्कर खाणे रा कोई भी मौक्का नी दिदें, ताकि असा री सेवा पर कोई इल्जाम ना आये।