1 कुरुन्थियों 8:12 - चम्बयाली नौआ नियम

¹² जां तुसा कुसकी संगी विश्वासी तांइ से कम्म करणे री वजह बणदे जे तिन्हेरी नजर बिच गलत है, तां तुसा मसीह रे खिलाफ पाप करदे।

1 कुरुन्थियों 8:12 ပူးပေါင်းရင်းမြစ်များ

मत्ती 18:10

इधेरे तांइ दिख्खो, तुसा इन्हा मेरे भोले बच्चेयां बिच का कुसकी जो भी छोटा मत समजदे, किजोकी मैं तुसा जो बोल्दा, कि स्वर्ग बिच दूत मेरे स्वर्गीय पिता रे सामणे हाजिर रैहन्दे।

मत्ती 18:21

तां पतरस ने आई करी यीशु जो पूच्छेया, प्रभु, मेरा संगी विश्वासी कितणी वरी मेरे कने गलत करदा रे कि मैं तिसजो माफ करां? कै सत्त वरी तांइ?

मत्ती 18:6

पर जे कोई मेरे पर विश्वास करणे वाले मेरे कुसकी निम्मते चेल्‍ले रे रस्ते री रुकावट बणदा, खरा हुन्गा कि तिसेरे गले बिच इक्क चक्की रा पाट लटकाई करी तिसजो समुंद्र बिच डूबाई दित्तेया जाये।

मत्ती 25:40

फिरी मैं उन्हा जो जवाब दैणा, मैं तुसा रे कने सच बोलदा जां भी तुसा ने मेरे भोले-भाले चेल्‍लेयां बिच का कुसकी इक्क तांइ भी किच्‍छ कित्तेया, तां से तुसा मेरे तांइ कित्तेया।

मत्ती 25:45

तां मैं उन्हा जो जवाब दैणा, मैं तुसा जो सच बोलदा कि तुसा जे किच्‍छ मेरे इन्हा भोले-भाले बिच का कुसकी इक्क कने भी नी करदा, से मेरे कने भी नी करदा।

मरकुस 9:42

“जे कोई मेरे पर विश्वास करणे वाले कुसकी छोटे का छोटे जो भी गलत रस्ते पर पाए, तिसेरे तांइ ए खरा होणा कि इक्क बड्डा चक्की रा बट्टा तिसेरे गले बिच लटकाई करी तिसजो समुन्द्र बिच सूटी दित्तेया जाये।

लूका 17:2

तिसेरे तांइ ए जादा खरा हुन्दा कि बजाय इसेरे कि से इन छोटे मणूआं बिच का कुसकी जो पाप करणे पर मजबूर करी सकें, तिसेरे गले पर चक्की रा पाट लटकाई करी तिसजो समुन्द्र बिच सूटी दित्तेया जान्दा

रोमियों 14:20

रोट्टी री वजह कने परमेश्वर रा कम्म मत बिगाड़ो, सब खाणे रे चीजां ता सुच्ची हिन, पर जे अगर तिस मणू रे विश्वास तांइ रुकावट री वजह बणदा, तां से रोट्टी खाणा सही नी है।

1 कुरुन्थियों 12:12

किजोकी जिय्यां असा रे इक्क जिस्म रे मते सारे अंग हिन, तिय्यां ही असी विश्वासी मणू मिली करी मसीह यीशु रे जिस्म रा हिस्सा बणी गेरे हिन, ते असी आपस बिच इक्क-दूए कने जुड़े रे हिन।