1 कुरुन्थियों 8:1 - चम्बयाली नौआ नियम1 तुसा अपणी चीठ्ठी बिच मेरे का मूर्तां जो भेंट चढ़ाए री रोट्टी रे बारे बिच पूच्छेया थिया। असा सारे ही इस मामले रे बारे बिच थोड़ा-मता जाणदे। पर ज्ञान असा जो घमंडी बणाई दिंदा, जदकी प्यार असा जो बाकि लोक्कां तांइ मददगार बणाई दिंदा। အခန်းကိုကြည့်ပါ။ |
1 कुरुन्थियों 8:1
35 ပူးပေါင်းရင်းမြစ်များ
ओ संगी विश्वासियों, मैं इस गल्ल-बात बिच अपणा ते अपुल्लोस रा ज़िकर इधेरे तांइ कित्तेया ताकि तुसा असा रा उदारण लेई सको ते तुसा इसेरे मतलब जो समजी सको जिसेरे बारे बिच पवित्रशास्त्र बिच ए लिख्खे रा है, “पवित्रशास्त्र बिच लिख्खे री गल्लां का बधी करी होर किच्छ ना सोच्चो।” अते ए गल्ल ठीक नी है कि तुसा इक्क कने आदरमान कने रेयो ते दूए रे खिलाफ होई करी तिसेरी बेज़ती करो।
ता अवे मैं मूर्तां जो भेंट चढ़ाए री चीजां जो खाणे रे सवाल रा जवाब दैणा चाह्ंदा। मूर्तां रे सामणे चढ़ाए री चीजां रे बारे बिच असी जाणदे। मूर्तां कोई सच्ची परमेश्वर नी हिन, सिर्फ इक्क ही सच्चा परमेश्वर है। पर असा तांइ इक्क ही प्रभु हिन ते से असा रे पिता हिन, तिन्हा ने ही सारी चीजां जो बणाया ते असी तिन्हा तांइ ही जिन्दे, पर तां भी असा तांइ तां इक्क ही परमेश्वर हिन ते से असा रे पिता हिन। तिन्हा ने सब किच्छ बणाए रा है, ते तिन्हेरी वजह कने ही असी जिन्दे हिन। तिय्यां ही असा रे इक्क ही प्रभु हिन ते से मसीह यीशु हिन। तिन्हेरे जरिये ही सब किच्छ बणाया गेया ते तिन्हेरे जरिये ही असी जिया करदे हिन।
पर किच्छ विश्वासी मणू हल्ले भी इस गल्ल जो नी समजदे कि मूर्तां बिच कोई ताकत नी है, किजोकी पैल्ले से मणू अप्पु भी तिन्हा मूर्तां री पूजा करदे थिये, पर अवे जां से मणू तिस रोट्टी जो खांदे जे मूर्तां जो भेंट चढ़ाए री हुंदी, तां तिन्हा जो इय्यां लगदा कि से मणू मूर्ति पूजा करेया करदे हिन। तां फिरी से मणू अपणे ही ख्यालां बिच परेशान हुंदे रैह्न्दे। अपणे दिल बिच तिन्हा जो इय्यां लगदा रैहन्दा कि तिन्हा ने मूर्ति जो चढ़ाए री रोट्टी खाई करी पाप कित्ते रा है।
असी सारे जणे जे मसीह यीशु बिच विश्वास करदे, तिन्हेरे सरीर रे हिस्से सांई हिन। जिय्यां कुसकी मणू रा सरीर जोड़ां री वजह इक्क गठ्ठ होई करी रैह्न्दा, ते जां सरीर रा हर इक्क हिस्सा सही तरिक्के कने कम्म करदा, तां सरीर बदधा ते मजबूत बणदा जांदा, तिय्यां ही जां असा बिच का हर इक्क जणा सही तरिक्के कने से कम्म करदा जे मसीह ने असा जो दित्ते रा है, तां असा ने भी ताकतवर, परिपक्व होणा ते इक्क-दूए कने प्यार करणा।
पर मेरे जो तेरे खिलाफ किच्छ गल्लां बोलणी हिन, किजोकी तुसा तिन्हा लोक्कां रा विरोध नी करदे जे झूठ्ठी शिक्षा सुणांदे जिय्यां कि भविष्यद्वक्ता बिलाम ने भी बड़े पैल्ले कित्तेया थिया। बिलाम ने बलाक राज्जा जो सिखाया कि किय्यां इस्राएल रे लोक्कां का पाप कराया जाए। तिनिये लोक्कां का अनैतिक जिन्दगी जीणे ते मूर्तां जो भेंट चढ़ाए री चीजां खाणे तांइ सिखाया।
ကြော်ငြာတွေ