1 कुरुन्थियों 7:9 - चम्बयाली नौआ नियम

⁹ पर जिन्हा लोक्कां तांइ संयम रखणा मुस्किल है, से मणू ब्याह करी लैण, किजोकी व्यभिचार करणे का खरा ब्याह करणा है।

1 कुरुन्थियों 7:9 ပူးပေါင်းရင်းမြစ်များ

प्रेरितां रे कम्म 19:36

किजोकी इन्हा गल्लां का कोई मुकरी नी सकदा इधेरे तांइ तुसा जो सान्त रैह्णा चाएदा ते बिना सोच्चे समजे किच्‍छ नी बोल्णा चाएदा

1 कुरुन्थियों 7:2

हाँ, ए खरा है पर मणू बड़ी असानी कने व्यभिचारी कम्म करणे रे बहकावे बिच आई जांदे, इधेरे तांइ हर इक्क मर्द री लाड़ी होणा चाएदी ते हर इक्क कुड़ी रा भी लाड़ा होणा चाएदा।

1 कुरुन्थियों 7:28

पर जे तू ब्याह करगा, तां से कोई पाप नी है, ते जे अगर कुंवारी कुड़ी रा ब्याह कित्तेया जाए, तां से भी कोई पाप नी। ब्यात्ते रे मणू जो अपणी जिन्दगी बिच बड़ी दुख-भरी चीजां सैह्‍णा पैणी ते मैं तुसा जो तिन्हा तकलिफां का बचाणा चाह्‍ंदा।

1 कुरुन्थियों 7:36

जे अगर तुसा बिच कोई मणू अपणी जुआन कुड़ी रा ब्याह नी करांदा पर अवे तिसजो ए लगदा कि इय्यां करणा सही नी है, पर तिसजो अवे इय्यां लगदा कि तिसजो अपणी कुड़ी रा ब्याह कराणा चाएदा, तां इस मामले बिच तिसजो से ही करणा चाएदा जे तिसजो सही लगदा। से अपणी कुड़ी रा ब्याह कराई करी पाप नी है करेया करदा। तिसजो अपणी कुड़ी रा ब्याह कराणे रा इंतजाम करणा चाएदा।

1 कुरुन्थियों 7:39

जां तांइ कुसकी जनानी रा लाड़ा जिंदा है, तां तांइ तिसजो अपणे लाड़े जो नी छडणा चाएदा। पर जां तिसेरा लाड़ा मरी जाये तां फिरी से जिस मर्जी कने चाए ब्याह करी सकदी, पर सिर्फ कुसकी विश्वासी कने ही।

1 थिस्सलुनीकियों 4:4

तां तुसा बिच का हर इक्क जणे ने अपणे सरीर जो काबू बिच रखणा ते पवित्रता ते आदर कने जीणा।

1 तीमुथियुस 5:11

पर जुआन विधवा जनानियां रे नां तिस सुची बिच मत लिखदा किजोकी जां तिन्हेरी शरीरी इच्छा तिन्हेरे मसीह री सेवा करणे री इच्छा का जादा बधी जांदी तां से फिरी ब्याह करी लिंदे।

1 तीमुथियुस 5:14

इधेरे तांइ तिन्हा जो ब्याह करी लैणा चाएदा, ते बच्चे पैदा करी के ते घर-बार सम्भालणा चाएदा। तां कुसकी दुश्मण जो तिन्हेरे खिलाफ किच्‍छ बोलणे रे मौक्का नी मिलणा।