1 कुरुन्थियों 7:38 - चम्बयाली नौआ नियम

³⁸ इधेरे तांइ जे कोई अपणी कुंवारी कुड़ी रा ब्याह कराई दिंदा, से खरा करदा। ते जे ब्याह नी करांदा से भी खरा ही करदा।

1 कुरुन्थियों 7:38 ပူးပေါင်းရင်းမြစ်များ

मत्ती 5:32

पर मैं तुसा जो ए बोलदा कि जे कोई अपणी लाड़ी जो व्यभिचार जो छड्डी करी कुसकी होरसी वजह कने तलाक दिंगा, तां से तिसका व्याभिचार करवांदा अते जे कोई तिस छड्डे री जनानी कने ब्याह् करगा, से तिस कने व्याभिचार करदा।”

1 कुरुन्थियों 7:26

किजोकी आज्‍ज-कल विश्वासी मणूआं कने तंगी-मुसीबतां वाली गल्लां होया करदी हिन, इधेरे तांइ मैं ए ही सलाह दैणा चाह्‍ंगा कि जे मणू जिय्यां हिन तिय्यां ही रेयो।

1 कुरुन्थियों 7:37

पर जे अगर तिस मणू ने अपणे मन बिच ठाणी लेरां हो कि तिसेरी कुड़ी तांइ बगैर ब्याए ही रैह्णा सही है, तां तिस मणू जो से करणे रा पूरा हक्क है जे तिसजो इस मामले बिच सही लगदा। ते जे अगर से अपणी कुड़ी जो बगैर ब्याए ही रखणा चाह्‍ंदा, तां से सही करदा।

1 कुरुन्थियों 7:39

जां तांइ कुसकी जनानी रा लाड़ा जिंदा है, तां तांइ तिसजो अपणे लाड़े जो नी छडणा चाएदा। पर जां तिसेरा लाड़ा मरी जाये तां फिरी से जिस मर्जी कने चाए ब्याह करी सकदी, पर सिर्फ कुसकी विश्वासी कने ही।

1 कुरुन्थियों 7:8

अवे जे मणू ब्यात्ते रे नी हिन, ते जे जनानियां विधवा हिन, मैं तिन्हा जो ए ही सलाह दिंगा कि से मेरे सांई ही किल्ले रैह्ण।

इब्रानियों 13:4

ब्याह जो आदर देयो, ते ब्यात्ते रे आदमी ते औरत जो अप्पु अदंर इक्क-दूए री इज्जत करणा चाएदी, ते तिन्हा जो इक्क-दूए कने भरोसेमंद रैह्णा चाएदा। किजोकी व्यभिचारी ते चरित्रहीन लोक्कां पर परमेश्वर ने इल्जाम लाणा।