1 कुरुन्थियों 7:31 - चम्बयाली नौआ नियम

³¹ किजोकी असी जाणदे कि इस दुनिया ने बड़े तौले ही मुकी जाणा इधेरे तांइ तुसा बिच का कुसकी जो भी दुनिया री कुसकी भी चीज कने बड़ा जादा दिल नी लाई लैणा चाएदा।

1 कुरुन्थियों 7:31 ပူးပေါင်းရင်းမြစ်များ

लूका 21:34

ध्यान रख्खो, ताकि तुसा रे मन डटी करी पीणे अते पियाणे तांइ अते इस दुनिया री चिन्ता जो लेई करी बेफिक्करे नी होई जाए कुदखी इय्यां ना हो कि जे तुसा सोच्चे दा भी नी हो से तुसा कन्ने होई जाओ।

1 कुरुन्थियों 7:29

ओ संगी विश्वासियों, मैं ए बोलदा कि असा का इस दुनिया बिच जादा समय नी है, इधेरे तांइ जरुरी है कि से ब्याह होणे रे बावजूद भी परमेश्वर री सेवा इय्यां करण कि जिय्यां से हल्ले भी कुंवारे हिन।

1 कुरुन्थियों 7:30

जे मणू दुख मनाया करदे हिन, ते जे मणू खुसी मनाया करदे हिन या जे मणू चीजां खरिद्देया करदे हिन तिन्हा सारेयां जो परमेश्वर री सेवा करणे बिच इय्यां मन लाणा चाएदा जिय्यां कि से मणू इन्हा बिच का कोई भी चीज ना करदे होण।

1 कुरुन्थियों 9:18

तां मेरी मजूरी ए है कि मैं मुफ्त बिच मसीह यीशु रा सुब बसेख सूणां ते हालांकि मेरे जो तुसा का आर्थिक मदद लैणे रा हक है तां भी मैं इस काबिल है कि बगैर तिसेरे मैं सुब बसेख रा प्रचार करां।

इब्रानियों 12:27

ते ए गल्ल इक्क वरी फिरी इस गल्ल जो साबित करदा, परमेश्वर री बणाए री सारी चीजां हिलाई जाणी ते टली जाणी, ताकि जे चीजां हिलाई नी जादीं से अटल रैह्णी।

याकूब 4:14

पर तुसा ए नी जाणदे की कल कै होणा, सुणी तां लेयो कि तुसा री जिन्दगी है ही क्‍या? तुसा तां भाप सांई हिन जे थोड़ी देर दिसदी ते फिरी गायब होई जांदी,

1 पतरस 1:24

पवित्रशास्त्र बिच ए लिख्खे रा है, “सारे मणू घा सांई हिन ते तिन्हेरी खूबसुरती जंगली फूल्ल सांई है। घा ने सुकी जाणा ते फूल्ल ने झड़ी जाणा,

1 पतरस 4:7

हर चीज रा अंत नेड़े है। इधेरे तांइ चुकन्ने रेयो ते अपणे मन पर काबू रख्खो ताकि तुसा प्रार्थना करदे रेयो।

1 यूहन्ना 2:17

दुनिया ते तिसेरी चीजां री लालसा दोन्नों मिटणे वाली हिन, पर जे परमेश्वर री इच्छा रे हिसाब कने जिन्दगी जिन्दे, तिन्हा ने हमेसा तिकर बणी रैह्णा।