1 कुरुन्थियों 7:30 - चम्बयाली नौआ नियम

³⁰ जे मणू दुख मनाया करदे हिन, ते जे मणू खुसी मनाया करदे हिन या जे मणू चीजां खरिद्देया करदे हिन तिन्हा सारेयां जो परमेश्वर री सेवा करणे बिच इय्यां मन लाणा चाएदा जिय्यां कि से मणू इन्हा बिच का कोई भी चीज ना करदे होण।

1 कुरुन्थियों 7:30 ပူးပေါင်းရင်းမြစ်များ

लूका 16:25

पर अब्राहम ने बोल्लेया, ओ पुत्तर, चेत्ता कर कि तेरी जिन्दगी जां बड़ी अरामदेह थी, पर लाज़र री जिन्दगी बड़ी दर्दनाक थी। अवे से इत्ते स्वर्ग अन्दर अराम कने रेया करदा है, अते तू नरक अन्दर अपणे हिस्से दा दुख सेह्या करदा है,

लूका 6:21

धन्न हिन तुसां, जे अब्बे भूख्खे हिन, किजोकी तुसा रजाये जाणे धन्न हिन तुसां, जे अब्बे रोन्दे हिन, किजोकी इदेया बेल्ला भी आणा जां तुसा हसणा।

लूका 6:25

लाणत है तिन्हा मणूआं पर जे अब्बे रज्जे रे हिन, किजोकी तिन्हेरा भूख्खे रैह्णे रा बेल्ला भी आणा। लाणत है तिन्हा मणूआं पर जे अज्ज हसदे हिन, किजोकी इदेया बेल्ला भी आणा जां तिन्हा ने रोणा अते दुखी होणा।

यूहन्ना 16:22

तिस्सी तरिक्के कने अवे तुसा दुखी तां हिन, पर मैं तुसा रे कने फिरी मिलणा, अते तुसा रे मन खुस होई जाणे, अते तुसा री खुसी जो कोई तुसा का खुस्सि नी सकदा।

1 कुरुन्थियों 7:29

ओ संगी विश्वासियों, मैं ए बोलदा कि असा का इस दुनिया बिच जादा समय नी है, इधेरे तांइ जरुरी है कि से ब्याह होणे रे बावजूद भी परमेश्वर री सेवा इय्यां करण कि जिय्यां से हल्ले भी कुंवारे हिन।

1 कुरुन्थियों 7:31

किजोकी असी जाणदे कि इस दुनिया ने बड़े तौले ही मुकी जाणा इधेरे तांइ तुसा बिच का कुसकी जो भी दुनिया री कुसकी भी चीज कने बड़ा जादा दिल नी लाई लैणा चाएदा।

प्रकाशित वाक्य 18:7

तिसने अपणी जिन्नी जादा अराम ते घमंड बिच बिताई, तिसका तिसेरे ही बराबर जुल्म सैह्‍ण कराओ। तिनिये अप्पु जो बोल्लेया, “मैं लोक्कां पर राणी सांई राज करणा। मैं कोई विधवा नी है, ते मेरे जो कोई दुख नी होणा।

प्रकाशित वाक्य 7:17

किजोकी उरणू जे सिंहासन रे मझाटे है, तिन्हा ने तिन्हा लोक्कां री इदेइ रखवाली करणी जिय्यां कोई पुहाल अपणी भेड़ां री करदा। परमेश्वर ने तिन्हा लोक्कां जो से ताजा पाणी पुआणे तांइ अपणे कने लेई करी जाणा जिस कने जिन्दगी मिलदी, ते परमेश्वर ने तिन्हा लोक्कां री हाख्खियां का सारे आँसु पूंजी दैणे।