1 कुरुन्थियों 7:28 - चम्बयाली नौआ नियम

²⁸ पर जे तू ब्याह करगा, तां से कोई पाप नी है, ते जे अगर कुंवारी कुड़ी रा ब्याह कित्तेया जाए, तां से भी कोई पाप नी। ब्यात्ते रे मणू जो अपणी जिन्दगी बिच बड़ी दुख-भरी चीजां सैह्‍णा पैणी ते मैं तुसा जो तिन्हा तकलिफां का बचाणा चाह्‍ंदा।

1 कुरुन्थियों 7:28 ပူးပေါင်းရင်းမြစ်များ

मत्ती 5:32

पर मैं तुसा जो ए बोलदा कि जे कोई अपणी लाड़ी जो व्यभिचार जो छड्डी करी कुसकी होरसी वजह कने तलाक दिंगा, तां से तिसका व्याभिचार करवांदा अते जे कोई तिस छड्डे री जनानी कने ब्याह् करगा, से तिस कने व्याभिचार करदा।”

1 कुरुन्थियों 7:26

किजोकी आज्‍ज-कल विश्वासी मणूआं कने तंगी-मुसीबतां वाली गल्लां होया करदी हिन, इधेरे तांइ मैं ए ही सलाह दैणा चाह्‍ंगा कि जे मणू जिय्यां हिन तिय्यां ही रेयो।

1 कुरुन्थियों 7:27

जे अगर तू ब्यात्ते रा है, तां अपणी लाड़ी जो तलाक मत दे, ते जे अगर तू ब्यात्ते रा नी है, तां ब्याह करणे री कोसीस मत कर।

1 कुरुन्थियों 7:29

ओ संगी विश्वासियों, मैं ए बोलदा कि असा का इस दुनिया बिच जादा समय नी है, इधेरे तांइ जरुरी है कि से ब्याह होणे रे बावजूद भी परमेश्वर री सेवा इय्यां करण कि जिय्यां से हल्ले भी कुंवारे हिन।

2 कुरुन्थियों 1:23

परमेश्वर मेरे गवाह हिन कि मैं सच बोल्लेया करदा है कि दूज्जी वरी कुरिन्थुस सहर बिच इधेरे तांइ नी आया किजोकी मैं तुसा जो तुसा री गलतियां री वजह कने बकणा नी चाह्‍ंदा थिया।

इब्रानियों 13:4

ब्याह जो आदर देयो, ते ब्यात्ते रे आदमी ते औरत जो अप्पु अदंर इक्क-दूए री इज्जत करणा चाएदी, ते तिन्हा जो इक्क-दूए कने भरोसेमंद रैह्णा चाएदा। किजोकी व्यभिचारी ते चरित्रहीन लोक्कां पर परमेश्वर ने इल्जाम लाणा।