1 कुरुन्थियों 7:25 - चम्बयाली नौआ नियम

²⁵ कुंआरी कुड़ियां तांइ प्रभु का कोई भी हुकम मेरे जो नी मिल्लेया, पर परमेश्वर ने अपणी दया कने मेरे जो जे ज्ञान दित्ते रा है से भरोस्से रे लायक है ते मैं तुसा जो सलाह दिंदा,

1 कुरुन्थियों 7:25 ပူးပေါင်းရင်းမြစ်များ

1 कुरुन्थियों 15:10

परमेश्वर रे अनुग्रह री वजह कने ही मैं प्रेरित बणेया, तिन्हेरा से अनुग्रह जे मेरे पर होया, तिसेरा मेरी जिन्दगी बिच बड़ा जादा असर रेया। मैं तिन्हा सारे प्रेरितां का बधी करी मैहनत भी कित्ती: तां भी ए मेरे पास्से का नी होया पर परमेश्वर रे अनुग्रह री वजह जे मेरे पर है।

1 कुरुन्थियों 4:2

ते तिस बारे बिच फिरी परमेश्वर रे बसेख रा राज़ जिन्हा लोक्कां रे हवाले कित्ते गे रा है, तिन्हा तांइ जरुरी है कि से भरोस्सेमंद रैह्ण।

1 कुरुन्थियों 7:10

जिन्हेरा ब्याह होई गे रा है, तिन्हा जो मैं नी, बल्कि प्रभु हुकम दिंदे कि लाड़ी अपणे लाड़े जो तलाक ना दे।

1 कुरुन्थियों 7:12

बाकि विश्वासियां जो प्रभु नी पर मैं बोल्लेया करदा है कि जे कुसकी संगी विश्वासी री लाड़ी प्रभु पर विश्वास ना करदी हो पर अपणे लाड़े कने रैह्णे बिच कने खुस हो, तां से लाड़ा तिसजो तलाक ना दे।

1 कुरुन्थियों 7:28

पर जे तू ब्याह करगा, तां से कोई पाप नी है, ते जे अगर कुंवारी कुड़ी रा ब्याह कित्तेया जाए, तां से भी कोई पाप नी। ब्यात्ते रे मणू जो अपणी जिन्दगी बिच बड़ी दुख-भरी चीजां सैह्‍णा पैणी ते मैं तुसा जो तिन्हा तकलिफां का बचाणा चाह्‍ंदा।

1 कुरुन्थियों 7:34

दो तरिक्के री जनानियां हुंदी, इक्क ता बगैर ब्याए री जनानियां हुंदी ते दुई ब्यात्ते री जनानियां हुंदी। ब्यात्ती री जनानियां ते बगैर ब्याए री कुड़ी बिच भी ए फरक है कि बगैर ब्याए री जनानियां प्रभु री सेवा री फिकर बिच रेह्न्दी कि से हमेसा परमेश्वर जो खुस करे। पर ब्याए री जनानियां दुनिया री गल्लां फिकर बिच रेह्न्दी कि अपणे लाड़े जो किय्यां खुस रख्खे।

1 कुरुन्थियों 7:40

पर जे अगर से बगैर ब्याए ही रेह्न्दी, तां मैं समजदा कि से होर भी जादा खरा है। मेरे जो कि मैं परमेश्वर रे पास्से का तुसा जो ए सब किच्‍छ सिखाया करदा है।

1 कुरुन्थियों 7:6

पर मैं तुसा जो दस्सी दिंदा कि ए सिर्फ इक्क सुझाव है ना कि कोई हुकम।

2 कुरुन्थियों 11:17

पर मेरा इय्यां बेधड़क होई करी गल्ल करणा परमेश्वर रे पास्से का नी है, पर मैं इक्क बेवकूफ मणू सांई गल्ल करेया करदा है।

2 कुरुन्थियों 2:17

असी उन्हा केई मणूआं सांई नी हिन, जे पैसे रे लालच बिच परमेश्वर रे वचन बिच हेराफेरी करदे हिन, पर असी ए जाणदे होए कि परमेश्वर असा जो भेज्जे रा है, ते से असा जो दिख्खेया करदे हिन, ते असी मसीह रे हक कने हमेसा सच्चाई कने शिक्षा दिंदे।