1 कुरुन्थियों 7:23 - चम्बयाली नौआ नियम

²³ मसीह यीशु ने सुली पर कुर्बानी देई करी तुसा री कीमत चुकाए री है इधेरे तांइ कुसकी मणू रे नी पर परमेश्वर रे गुलाम बणो।

1 कुरुन्थियों 7:23 ပူးပေါင်းရင်းမြစ်များ

मत्ती 6:24

“कोई मणू इक्क समय पर दो मालकां री सेवा नी करी सकदा, किजोकी तिनिए इक्क कने नफरत अते दूज्जे जो प्यार करे, या तिनिए इक्क जणे कने वफादार रैह्णा अते दूज्जे जो नफरत करणी तुसा परमेश्वर ते धन-दौलत, दोन्नां री सेवा नी करी सकदे।”

प्रेरितां रे कम्म 20:28

इधेरे तांइ अपणी ते अपणे सारे झुण्ड री चुकन्ने रेह्ई करी देख-रेख करो जिन्हा परमेश्वर रे लोक्कां बिच पवित्रात्मा ने तुसा जो कलीसिया रे मुखिया बणाए रा है कि तुसा परमेश्वर री कलीसिया री रखवाली करो जिस जो तिसने अपणे खून कने खरीदी लित्ते रा है।

1 कुरुन्थियों 6:20

किजोकी प्रभु ने सुली पर कुर्बानी देई करी तुसा री कीमत चुकाए री है। इधेरे तांइ अपणे सरीर कने ठीक कम्म करी के परमेश्वर री महिमा करो।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।

प्रकाशित वाक्य 5:9

से इक्क नौआ गाणा गाणे लगे, “तू इस कताब री मौहरे खोलणे रे तिस बिच लिख्खे री गल्लां जो पढ़ने रे लायक है, किजोकी तू मारेया गेया थिया ते तैं अपणे खून कने हर इक्क कुल, देस, भाषा, ते लोक्कां जो परमेश्वर तांइ खरीदी लित्तेया।”