1 कुरुन्थियों 7:21 - चम्बयाली नौआ नियम

²¹ जां परमेश्वर ने तुसा जो सद्देया तां कै तुसा गुलाम थिये? तुसा इस गल्ल कने दुखी मत हुंदे, पर जे अगर तुसा जो अजाद जिन्दगी जीणे रा मौक्का मिलदा तां तिस मौक्के जो मत छडदे।

1 कुरुन्थियों 7:21 ပူးပေါင်းရင်းမြစ်များ

लूका 12:29

पर तुसा इन्हा गल्लां री फिकर मत करो कि असी कै खांगे ते कै पींगे इधेरे तांइ तुसा मत सोच्चो

लूका 21:34

ध्यान रख्खो, ताकि तुसा रे मन डटी करी पीणे अते पियाणे तांइ अते इस दुनिया री चिन्ता जो लेई करी बेफिक्करे नी होई जाए कुदखी इय्यां ना हो कि जे तुसा सोच्चे दा भी नी हो से तुसा कन्ने होई जाओ।

1 कुरुन्थियों 12:13

तिय्यां ही असी सारे जणे चाए यहूदी या गैर यहूदी, चाए गुलाम हो या अजाद, असी सारेयां रा इक्क ही सरीर बिच इक्क बणी जाणे तांइ तिस ही आत्‍मा रे जरिये बपतिस्मा होए रा है ते असी सारेयां ने इक्क ही आत्‍मा पाए रा है।

1 कुरुन्थियों 7:20

हर इक्क मणू तदेई ही जिन्दगी जिये जदेई जिन्दगी जीणे तांइ परमेश्वर ने तिन्हा जो सद्दे रा है।

1 कुरुन्थियों 7:22

किजोकी जिस गुलाम जो परमेश्वर ने सद्दे रा है, से मणू परमेश्वर रा अजाद मणू है, तिय्यां ही तुसा बिच का हर इक्क अजाद मणू जिस जो मसीह यीशु ने सद्दे रा है से तिन्हेरा गुलाम है।

गलातियों 3:28

अवे जां असा सारेयां ने मसीह यीशु बिच विश्वास करी लित्ते रा है, तां अवे असी परमेश्वर री नजर बिच असा रा मसीह कने रिस्ता जुड़ी गे रा है। अवे ना कुसकी यहूदी ते गैर यहूदी बिच कोई फरक नी रेया, ना ही दास ना ही अजाद मणू बिच, ना ही आदमी ते ना ही औरत बिच, किजोकी अवे तुसा सारे मसीह यीशु बिच इक्क बराबर हिन।

फिलिप्पियों 4:11

ए नी की मैं अपणी जरुरतां री कमी री वजह कने ए बोलदा; पर मैं ए सिख्खे रा है की मैं जिस हालत बिच है; तिसी बिच संतोष करां।

फिलिप्पियों 4:6

कुसकी भी गल्ल री फिकर मत करो पर हर हालात बिच तुसा री मिन्नतां, प्रार्थना ते याचिका रे जरिए, धन्यवाद कने परमेश्वर रे सामणे रख्खे जाण।

कुलुस्सियों 3:11

जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।

इब्रानियों 13:5

तुसा अपणी जिन्दगी बिच धन-दौलत रा लालच मत रख्खो, ते तुसा का जे है, तिस अन्दर ही खुस रेयो, किजोकी परमेश्वर अप्पु ही बोलदे, “मैं तुसा जो ना तां कदी छडणा ते ना कदी त्यागणा।”

1 पतरस 5:7

परमेश्वर तुसा री फिकर करदे, इधेरे तांइ अपणी सारी फिकरां तिन्हेरे हवाल्ले करी देयो।