1 कुरुन्थियों 7:19 - चम्बयाली नौआ नियम

¹⁹ कुसकी मणू रे खतना कराणा या ना कराणा कोई बड्डी गल्ल नी है, किजोकी परमेश्वर रे हुकमां जो मनणा ही सबका बड्डी गल्ल है।

1 कुरुन्थियों 7:19 ပူးပေါင်းရင်းမြစ်များ

मत्ती 5:19

इधेरे तांइ जे इन्हा छोटे का छोटे हुक्मां बिच का कुसकी इक्क जो नी मनगा, ते तिय्यां ही होरणी मणूआं जो सिखांगा, तिनिए स्वर्ग रे राज अन्दर सबका छोटा होणा, पर जे कोई इन्हा हुक्मां पर चलगा ते इन्हा जो सिखांगा, तिस्स जो ही स्वर्ग राज अन्दर महान मन्नेया जाणा।

यूहन्ना 15:14

जे हुकम मैं तुसा जो दित्तेया, जे तुसा तिसजो मनगे, तां ही तुसा मेरे दोस्त हिन।

रोमियों 3:30

किजोकी इक्क ही परमेश्वर है जिन्हा ने खतना वाले लोक्कां जो, ते बगैर खतना वाले लोक्कां जो भी मसीह बिच विश्वास करणे कने ही धार्मिक ठैहरांदे

1 कुरुन्थियों 8:8

पर रोट्टी असा जो परमेश्वर रे नेड़े नी लाई सकदी। खाणे का मना करणे कने असी परमेश्वर जो घट खुस करणे वाला नी बणी जांदे। ते ना ही खाणे कने असी परमेश्वर जो जादा खुस करी सकदे।

गलातियों 3:28

अवे जां असा सारेयां ने मसीह यीशु बिच विश्वास करी लित्ते रा है, तां अवे असी परमेश्वर री नजर बिच असा रा मसीह कने रिस्ता जुड़ी गे रा है। अवे ना कुसकी यहूदी ते गैर यहूदी बिच कोई फरक नी रेया, ना ही दास ना ही अजाद मणू बिच, ना ही आदमी ते ना ही औरत बिच, किजोकी अवे तुसा सारे मसीह यीशु बिच इक्क बराबर हिन।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

गलातियों 6:15

किजोकी खतना होणे या ना होणे कने परमेश्वर जो कोई फरक नी पैंदा, पर इक्क नौई रचना बणी जाणा जरुरी है।

कुलुस्सियों 3:11

जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।

प्रकाशित वाक्य 22:14

धन्न है से, जे अपणे चोग्गे धोई लिंदे, किजोकी तिन्हा जो सहर रे दुआर का अंदर आणे रा हक दित्तेया जाणा। ते तिन्हा जो तिस बूट्टे रा फल्ल खाणे रा भी हक दित्तेया जाणा जिस जो खाणे कने हमेसा री जिन्दगी मिलदी।