1 कुरुन्थियों 7:18 - चम्बयाली नौआ नियम

¹⁸ जे अगर कुसकी यहूदी मणू ने मसीह यीशु बिच विश्वास करणे का पैल्ले का ही खतना कराया हो तां से मणू मसीह बिच विश्वास करणे का बाद तिसजो वापिस बदलणे री कोसीस ना करे। तिय्यां ही अगर कुसकी मणू ने मसीह बिच विश्वास करणे का पैल्ले खतना ना कराया हो तां तिस मणू जो खतना कराणे री कोई जरुरत नी है।

1 कुरुन्थियों 7:18 ပူးပေါင်းရင်းမြစ်များ

प्रेरितां रे कम्म 15:19

इधेरे तांइ मेरा विचार ए है, कि गैर यहूदियां बिच का जे मणू परमेश्वर रे पास्से आई जांदे, असा तिन्हा पर जोर ना पाण कि से यहूदी रीति रीवाज रे हिसाब कने चले।

प्रेरितां रे कम्म 15:24

असा ने सूणेया, कि असा बिच का कितणेयां ने जाई करी, तुसा जो अपणी गल्लां कने डराई दित्तेया, ते तुसा रे मन बदली दित्ते पर असा ने तिन्हा जो हुकम नी दित्तेया थिया

प्रेरितां रे कम्म 15:28

पवित्रात्मा जो, ते असा जो ठीक लग्गेया, कि इन्हा जरुरी गल्लां जो छड्डी, तुसा पर होर कोई बोझ ना पाण,

प्रेरितां रे कम्म 15:5

पर फरीसियां रे दल रे किच्‍छ लोक्कां ने उठी करी बोल्लेया, कि गैर यहूदियां जो खतना ते मूसा रे कानून जो मनणे रा हुकम दैणा चाएदा।

प्रेरितां रे कम्म 21:21

उन्हा जो तेरे बारे अन्दर सिखाये रा थिया कि तू गैर यहूदी रे बिच रैह्णे वाले यहूदियां जो मूसा का हटी जाणे रे बारे अन्दर सखाया करदा है, ते बोल्लेया करदा है कि, नां तां अपणे निके-निक्केयां रा खतना कराओ ते नां ही रीति-रीवाजां पर चलेया करो।

कुलुस्सियों 3:11

जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।