1 कुरुन्थियों 7:14 - चम्बयाली नौआ नियम

¹⁴ किजोकी परमेश्वर तिस जनानी रे अविश्वासी लाड़े जो अपणे ही लोक्कां सांई समजदे किजोकी तिसेरी लाड़ी विश्वासी है। ते परमेश्वर तिस मणू री लाड़ी जो अपणे ही लोक्कां सांई समजदे किजोकी तिस जनानी रा लाड़ा विश्वासी है। जे अगर ए सच नी हुंदा तां तुसा रे बच्चे नाजायज़ होणे थिये, पर परमेश्वर तिन्हा जो जायज़ रे रुप बिच अपणांदे।

1 कुरुन्थियों 7:14 ပူးပေါင်းရင်းမြစ်များ

प्रेरितां रे कम्म 10:23

तां तिसने तिन्हा जो अन्दर सद्दी करी तिन्हेरी मेहमान नवाजी कित्ती। ते दूज्जे रोज, से तिन्हा कने गेया, ते याफा रे भाईयां बिच का केई तिन्हा कने गे

रोमियों 11:16

जां भेंट रा पैल्ला पेड़ा परमेश्वर जो चढ़ाणे री वजह कने पवित्र ठैहरेया, तां पूरा गुन्नेरा आटा भी पवित्र है। ते जे अगर जड़ पवित्र ठैहरी, तां डाल भी पवित्र हिन।

1 कुरुन्थियों 7:13

अते जिस विश्वासी जनानी रा लाड़ा प्रभु पर विश्वास नी करदा हो, पर से अपणी विश्वासी लाड़ी कने रैह्णे बिच खुस हो, तां से जनानी अपणे लाड़े जो तलाक ना दे।

1 तीमुथियुस 4:5

किजोकी से परमेश्वर रे वचन ते प्रार्थना करणे री वजह कने तिन्हेरे तांइ ग्रहण करणे जोग्गे बणी जांदे।

तीतुस 1:15

जिन्हा लोक्कां रे दिल बिच पाप वाली कोई सोच नी है तिन्हा लोक्कां तांइ हर किच्‍छ सुच्चा ही है। पर जे मणू बुरे हिन ते मसीह यीशु बिच विश्वास नी करदे से मणू कुसकी भी चीज जो सुच्चा नी समजदे किजोकी तिन्हेरी समझ ते विवेक गन्दी गल्लां कने भरे रे हिन।