1 कुरुन्थियों 6:9 - चम्बयाली नौआ नियम

⁹ तुसा जो ठीक तरिक्के कने पता है धोख्खा दैणे वाले लोक्कां ने कदी परमेश्वर रे राज रे वारिस नी बणना। गलतफहमी बिच मत रेयो किजोकी व्यभिचारी, मूर्तां री पूजा करणे वाले, परस्त्रीगामी, लुच्चे, विकृत समलैंगिक रिस्ता,

1 कुरुन्थियों 6:9 ပူးပေါင်းရင်းမြစ်များ

मत्ती 19:29

ते मेरे तांइ जिनिए भी अपणा घर-बार, भैण-भ्याल, मां-प्यो, निके-निके या अपणे खेतरां जो छड्डी दित्तेया, तिसजो सौ गुणा जादा मिलणा अते तिनिए हमेसा री जिन्दगी रा भी हकदार बणना।

मत्ती 25:34

फिरी मैं अपणे सज्जे हत्थ पास्से वालेयां जो बोलणा, ओ मेरे प्यो का आशीष पाये रे लोक्कों, आओ, ते जे राज तुसा रे तांइ दुनिया रचणे का पैह्ल्ले तैयार कित्तेया गेया है उसेरे अधिकारी होई जाओ।

लूका 21:8

यीशु ने बोल्लेया, ध्यान रखो, कुदखी कोई तुसा जो ठग्गी ना लेयो। किजोकी मेरे ना कने बड़े जणेयाँ ने आणा अते तिन्हा बोलणा, कि मैं मसीह यीशु है। अते ए भी बोलणा कि से बेल्ला नेड़े आई गे रा है तां तुसा तिसेरे पीछे मत चली जान्दे।

प्रेरितां रे कम्म 20:32

ते अवे मैं तुसा जो परमेश्वर, ते तिन्हेरे अनुग्रह रे वचन जो सौंपी दिन्दा जे तुसा रे विश्वास बिच तरक्की करांदा ते सारे पवित्र कित्ते रे मणूआं बिच साझ्झी करी के परमेश्वर विरासत बिच दैणा।

प्रेरितां रे कम्म 24:25

जां पौलुस ने परमेश्वर री धार्मिकता, ते सबर, ते लोक्कां रा हिसाब-किताब करणे रे बारे बिच बोल्लेया करदा थिया, तां फेलिक्स ने डरी करी जवाब दित्तेया, अब्बे ता चली जा, मौक्का दिख्खी करी मैं तिज्जो फिरी सद्दी लिन्गा।

रोमियों 1:18

परमेश्वर स्वर्ग का अपणा गुस्सा तिन्हा लोक्कां पर दिखांदे, जे अपणी सारी दुष्टता ते अधार्मिक रे कम्मां कने परमेश्वर री सच्चाई जो नक्कारी दिंदे।

1 कुरुन्थियों 15:33

तिन्हेरी इदेइ गल्लां कने धोखा मत खांदे, “बुरी सगंत ठीक चरित्र जो खराब करी दिंदी।”

1 कुरुन्थियों 15:50

ओ संगी विश्वासियों, मैं चाह्‍ंदा कि तुसा इस गल्ल जो जाणो कि असा रे हड्ड-मांस वाले ए सरीर सड़ी जाणे जिसेरा मतलब ए है कि से कदी परमेश्वर रे राज बिच वास नी करी सकदे जिनिये हमेसा-हमेसा तिकर रैह्णा ते नाशवान कदी अविनाशी नी बणी सकदा।

1 कुरुन्थियों 3:16

तुसा ठीक तरिक्के कने जाणदे कि तुसा परमेश्वर रा मन्दिर हिन अते पवित्रात्मा तुसा रे बिच वास करदा।

1 कुरुन्थियों 5:1

किच्‍छ लोक्कां ने मेरे जो दस्से रा है कि तुसा रे कलीसिया रे किच्‍छ मणू व्यभिचार बिच पे रे हिन। बल्कि इदेया व्यभिचार ता मसीह बिच विश्वास ना करणे वाले लोक्कां बिच भी नी हुंदा कि इक्क मणू अपणी सौतेली मां कने नाजायज़ रिश्ते बणाए।

1 कुरुन्थियों 5:10

ए नी कि तुसा बिल्कुल ही इस दुनिया रे व्यभिचारियां, लालचियां, ठग मणूआं या मूर्ति पूजा करणे वालेयां कने गल्ल-बात करणा ही छड्डी देयो, इस हिसाब कने ता तुसा जो इस दुनिया जो छडणा पैणा,

1 कुरुन्थियों 5:11

पर मैं चीठ्ठी बिच तुसा जो जे लिख्खेया, से ए है कि कुसकी इदेय मणू कने कोई रिस्ता मत रख्खो जे मसीह यीशु बिच विश्वास करणे रा दावा ता करदा हो पर फिरी व्यभिचारी, लालची, मूर्ति पूजा करणे वाला, गाली दैणे वाला, पियक्कड़, या इक्क ठग हो। इदेय मणू कने गल्ल-बात मत रखदे, बल्कि इदेय मणूआं कने रोट्टी भी मत खान्दे।

1 कुरुन्थियों 6:10

चोरी करणे वाले, लालची, शराब्बि, गालां दैणे वाले, धोख्खा-धड़ी करणे वाले मणू कदी भी परमेश्वर रे राज रे वारिस नी होई सकदे।

1 कुरुन्थियों 6:18

व्यभिचार का बची रेयो, किजोकी होर जिन्ने भी पाप मणू करदा से कने सरीर पर इदेया असर नी पांदे जदेया असर व्यभिचार करणे कने पैंदा। किजोकी व्यभिचार करणे वाला अपणे ही सरीर रे खिलाफ ही पाप करदा।

1 कुरुन्थियों 6:19

तुसा जो पता ही है कि तुसा रा सरीर इक्क मन्दिर सांई है, जिस बिच पवित्रात्मा वास करदा जे तुसा जो परमेश्वर रे पास्से का मिल्ले रा है, ते तुसा रा अप्पु पर कोई हक नी है किजोकी तुसा परमेश्वर रे हिन।

1 कुरुन्थियों 9:24

तुसा जो पता ही है कि दौड़ बिच तां मते जणे दौड़दे, पर ईनाम सिर्फ इक्क जणे जो ही मिलदा। तुसा तिय्यां ही दौड़ो कि जीत्ती जाओ।

2 कुरुन्थियों 12:21

मेरे जो डर है कि जां मैं तुसा का दुबारा आणा, तां परमेश्वर मेरे जो बेज्जत ना करण, ते मेरे जो मते लोक्कां तांइ अफसोस ना करणा पे जिन्हा ने पैल्ले भिठ्ठे काम्म, व्यभिचार, ते शर्मसार करणे वाले पाप कित्ते थिये, ते तिन्हा सारे पाप्पां का तौबा नी कित्ती थी।

गलातियों 6:7

धोख्खे बिच मत रेयो, कोई भी परमेश्वर जो बेवकूफ नी बणाई सकदा। किजोकी मणू जे किच्‍छ भी बांदे, तिन्हा ने से ही बडणा।

कुलुस्सियों 3:5

इधेरे तांइ तुसा अप्पु जो अपणे पुराणे पापी स्वभाव रे काबू बिच मत पैणा देयो। मतलब कि, व्यभिचार, भिठ्ठे काम्म, बुरी तमन्‍ना, ते लालच जे मूर्ति पूजा करणे रे बराबर है।

इब्रानियों 12:14

सारेयां कने मेल जोल रख्खो, ते पवित्र जिन्दगी बिताणे री कोसीस करो, किजोकी तिसेरे बगैर कुसकी ने कदी भी परमेश्वर जो नी दिखणा।

इब्रानियों 12:16

तुसा बिच कोई मणू इदेया ना हो जे व्यभिचारी, या अब्राहम रे पोत्ते एसाव सांई अधर्मी हो, जिनिये इक्क वरी री रोट्टी रे बदले अपणे पैल्ले मुडें होणे रे औहदे जो बेच्ची दित्तेया थिया।

इब्रानियों 13:4

ब्याह जो आदर देयो, ते ब्यात्ते रे आदमी ते औरत जो अप्पु अदंर इक्क-दूए री इज्जत करणा चाएदी, ते तिन्हा जो इक्क-दूए कने भरोसेमंद रैह्णा चाएदा। किजोकी व्यभिचारी ते चरित्रहीन लोक्कां पर परमेश्वर ने इल्जाम लाणा।

याकूब 1:16

ओ मेरे प्यारे संगी विश्वासियों, धोखा मत खांदे।

1 यूहन्ना 3:7

ओ प्यारे बच्चो, तुसा जो कोई धोखा ना देयो, जे कोई नेक कम्म करदा, से मसीह यीशु सांई धार्मिक है।

प्रकाशित वाक्य 21:8

पर जे मणू अप्पु पर जुल्म होणे रे डर कने मेरे पर विश्वास करणे का मुकरी जांदे, तिन्हा जो भी तिस गन्धक बिच सूटी दित्तेया जाणा। तिय्यां ही बुराई रे कम्म करणे वाले लोक्कां जो तिस गन्धक वाली आग्ग बिच सूटी दित्तेया जाणा जिन्हा ने व्यभिचार, अपणे संगी साथियां पर जादू टोणा, ते मूर्ति पूजा कित्ती हो। इसजो दुई मौत बोल्लेया जांदा।

प्रकाशित वाक्य 22:15

बाहर कूत्ते, जादू-टौणे करणे वाले, अश्लील मणू, हत्यारे, मूर्तां री पूजा करणे वाले ते झूठ बोलणे वाले होणे। से कदी भी सहर बिच नी आई सकदे।