1 कुरुन्थियों 6:3 - चम्बयाली नौआ नियम

³ तुसा जो पता ही है कि असा ने शैतान रे दूतां रा भी हिसाब-किताब करणा इधेरे तांइ असी छोटी-मोटी दुनियावी परेसानी रा भी फैसला करी सकदे।

1 कुरुन्थियों 6:3 ပူးပေါင်းရင်းမြစ်များ

मत्ती 25:41

तां मैं पुठ्ठे पास्से वालेयां लोक्कां कने बोलणा ओ अभागे लोक्कों! मेरे का दुर चली जाओ, अते जे आग्ग परमेश्वर ने शैतान ते तिसेरे दूतां तांइ तैयार कित्ती, उस हमेसा तिकर बलणे वाली आग्ग बिच पेई जाओ।

लूका 21:34

ध्यान रख्खो, ताकि तुसा रे मन डटी करी पीणे अते पियाणे तांइ अते इस दुनिया री चिन्ता जो लेई करी बेफिक्करे नी होई जाए कुदखी इय्यां ना हो कि जे तुसा सोच्चे दा भी नी हो से तुसा कन्ने होई जाओ।

लूका 8:14

जे बीह् झिल्लां अन्दर पे थिये, से तिन्हा मणूआं सांई हिन जे वचनां जो सुणी तां लिन्दे पर जां से अपणे ही रस्ते चलदे तां दुनियावी फिकर, धन-दौलत, जिन्दगी रा सुख, इन्हा सब चीजां रे हेठ दबी जान्दे, ते इन्हा सब गल्लां कने से अपणे विश्वास अन्दर नी बदधी पांदे

रोमियों 6:16

तुसा जाणदे कि जां तुसा अप्पु जो कुसकी रा गुलाम बणने तांइ सौंप्पि दिंदे, तां से मणू तुसा रा मालिक बणी जांदा। जे अगर तुसा चाओ ता पाप रे गुलाम बणी सकदे जे मौत दिंदा, या तुसा अप्पु जो परमेश्वर रे हुकम मनणे तांइ सौंप्पि सकदे जे तुसा जो धार्मिक ठैहरांदे।

1 कुरुन्थियों 6:15

तुसा जो पता ही है कि तुसा रे सरीर मसीह यीशु रे अंग हिन। मैं मसीह यीशु रे अंग जो लेई करी तिन्हा जो वेश्या रे अंग नी बणाई सकदा। इय्यां कदी भी नी होई सकदा।

1 कुरुन्थियों 6:16

तुसा जो ता पता ही है कि जे अगर कोई मणू वेश्या कने नाजायज़ रिस्ता बणांदा तां से तिस कने इक्क तन होई जान्दा, किजोकी पवित्रशास्त्र बिच लिख्खे रा है, “तिन्हा दोन्नां ने इक्क तन होई जाणा।”

1 कुरुन्थियों 6:19

तुसा जो पता ही है कि तुसा रा सरीर इक्क मन्दिर सांई है, जिस बिच पवित्रात्मा वास करदा जे तुसा जो परमेश्वर रे पास्से का मिल्ले रा है, ते तुसा रा अप्पु पर कोई हक नी है किजोकी तुसा परमेश्वर रे हिन।

1 कुरुन्थियों 6:4

जे अगर तुसा जो इदेइ छोट्टी-मोटी परेसानी रा फैसला करणा पेयो तां तुसा इदेइ गल्लां जो तिन्हा लोक्कां सामणे लेई करी नी जाणा चाएदा जे मसीह यीशु बिच विश्वास नी करदे।

2 तीमुथियुस 2:4

इक्क सिपाई जे सैना बिच कम्म करदा से आम मणूआं सांई होर कम्मां बिच नी उलझदा, किजोकी से अपणे अफसर जो खुस करणा चाह्‍ंदा।

2 तीमुथियुस 4:10

किजोकी देमास दुनिया री चीजां जो जादा प्यार करदा इधेरे तांइ तिनिये मेरे जो छड्डी दित्तेया, ते थिस्सलुनीके रे कस्बे जो चली गेया, ते क्रेसकेंस गलातिया रे इलाक्के पास्से चली गेया ते तीतुस दलमतिया रे इलाक्के बिच चली गेया।

2 पतरस 2:4

तुसा जाणदे कि जां बड़े लम्बे समय पैल्ले शैतान रे दूतां ने परमेश्वर रे हुकम री ना-फरमानी कित्ती थी, तां परमेश्वर तिन्हा जो तिन्हेरे कम्म तांइ सजा दित्ती थी। तिन्हा ने उन्हा सारेयां जो नरक बिच सूटी दित्तेया, ते तित्ते तिस दिन तिकर कैद करी रखणा जां तांइ से तिन्हा का हिसाब-किताब लेई सजा नी दिंदे।

यहूदा 1:6

याद करो कि प्रभु ने किय्यां तिन्हा शैतान रे दूतां जो सजा दित्ती थी जे अपणी जिम्मेदारी जो नी निभाया पर इसेरे उलट तिन्हा ने अपणे तिस ओह्दे जो छड्डी दित्तेया जे परमेश्वर ने तिन्हा जो सौप्पेयां थिया। परमेश्वर ने इन्हा स्वर्गदूतां जो इक्क न्याहरी जगाह् बिच तिस दिन तिकर झंझिरां कन्ने बन्नी करी रख्खे रा है जां परमेश्वर ने तिन्हा जो गुनेह्गार ठैहराणा।