1 कुरुन्थियों 6:18 - चम्बयाली नौआ नियम

¹⁸ व्यभिचार का बची रेयो, किजोकी होर जिन्ने भी पाप मणू करदा से कने सरीर पर इदेया असर नी पांदे जदेया असर व्यभिचार करणे कने पैंदा। किजोकी व्यभिचार करणे वाला अपणे ही सरीर रे खिलाफ ही पाप करदा।

1 कुरुन्थियों 6:18 ပူးပေါင်းရင်းမြစ်များ

रोमियों 1:24

इस तरिक्के कने परमेश्वर ने तिन्हा जो तिन्हेरे मन री गलत इच्छा रे मुताबक अपणे सरीर कने गलत कम्म करणे ते व्यभिचार रे कम्म करणे तांइ छड्डी दित्तेया, कि से मणू तिन्हा कम्मां जो करणे कने आपस बिच अपणे शरीरां रा अनादर करण।

1 कुरुन्थियों 6:9

तुसा जो ठीक तरिक्के कने पता है धोख्खा दैणे वाले लोक्कां ने कदी परमेश्वर रे राज रे वारिस नी बणना। गलतफहमी बिच मत रेयो किजोकी व्यभिचारी, मूर्तां री पूजा करणे वाले, परस्त्रीगामी, लुच्चे, विकृत समलैंगिक रिस्ता,

2 कुरुन्थियों 12:21

मेरे जो डर है कि जां मैं तुसा का दुबारा आणा, तां परमेश्वर मेरे जो बेज्जत ना करण, ते मेरे जो मते लोक्कां तांइ अफसोस ना करणा पे जिन्हा ने पैल्ले भिठ्ठे काम्म, व्यभिचार, ते शर्मसार करणे वाले पाप कित्ते थिये, ते तिन्हा सारे पाप्पां का तौबा नी कित्ती थी।

गलातियों 5:19

सरीर रे बुरी इच्छा ता जाहिर ही हिन, मतलब कि व्याभिचार, गन्दे काम्म, अय्याशी करणा,

इफिसियों 5:3

किजोकी तुसा परमेश्वर रे अपणे मणू हिन इधेरे तांइ तुसा बिच व्यभिचार ते कुसकी तरिक्के रे बुरे कम्म या लालच री गल्ल-बात भी ना हो।

कुलुस्सियों 3:5

इधेरे तांइ तुसा अप्पु जो अपणे पुराणे पापी स्वभाव रे काबू बिच मत पैणा देयो। मतलब कि, व्यभिचार, भिठ्ठे काम्म, बुरी तमन्‍ना, ते लालच जे मूर्ति पूजा करणे रे बराबर है।

1 थिस्सलुनीकियों 4:3

किजोकी परमेश्वर री ये मर्जी है कि तुसा व्यभिचार ना करो ते पवित्र बणो।

1 थिस्सलुनीकियों 4:5

ते तुसा अन्यजाती लोक्कां सांई वासना बिच पेई करी जिन्दगी मत जियो जे परमेश्वर जो नी जाणदे।

2 तीमुथियुस 2:22

इधेरे तांइ जुआन्नी री बुरी इच्छा का दुर रेयो ते जे मणू प्रभु रा नां लिंदे रैह्‍न्दे तिन्हा मणूआं कने धार्मिकता, ते विश्वास, ते प्यार ते मेल जोल री कोसीस बिच रेयो।

इब्रानियों 13:4

ब्याह जो आदर देयो, ते ब्यात्ते रे आदमी ते औरत जो अप्पु अदंर इक्क-दूए री इज्जत करणा चाएदी, ते तिन्हा जो इक्क-दूए कने भरोसेमंद रैह्णा चाएदा। किजोकी व्यभिचारी ते चरित्रहीन लोक्कां पर परमेश्वर ने इल्जाम लाणा।

1 पतरस 2:11

प्यारे विश्वासियों, तुसा इस दुनिया बिच इक्क अजनबी सांई रेया करदे हिन। मैं तुसा जो चितौणी देया करदा है कि तुसा सरीर री बुरी इच्छां का दुर रेयो किजोकी से तुसा री आत्‍मा रे खिलाफ लड़दी।