1 कुरुन्थियों 6:14 - चम्बयाली नौआ नियम

¹⁴ परमेश्वर ने अपणी ताकत कने असा जो मुर्देयां बिच का जिन्दा करी दैणा जिय्यां कि तिन्हा ने मसीह यीशु जो भी मुर्देयां बिच का फिरी जिन्दा कित्तेया थिया।

1 कुरुन्थियों 6:14 ပူးပေါင်းရင်းမြစ်များ

प्रेरितां रे कम्म 17:31

किजोकी तिन्हा ने इक्क रोज पक्का कित्तेया है, तिन्हा मणूआं रे जरिए धर्म कने दुनिया रा हिसाब-किताब करणा, जिन्हा जो तिन्हा ने चुणे रा है तिन्हा जो मरे रेयां बिच का जिंदा करणा, ए गल्ल सबनियां पर प्रमाणित करी दित्ती गे री है।

प्रेरितां रे कम्म 2:24

पर तिन्हा ही जो परमेश्वर ने मौत रे बधंन का छुड़ाई करी जिन्दा करी दित्ता, किजोकी ए नामुमकिन थिया कि से तिसेरे वस बिच रैहन्दे,

प्रेरितां रे कम्म 2:32

इसी यीशु जो परमेश्वर ने जिन्दा कित्तेया, जिसेरे असी सारे गवाह हिन

रोमियों 8:11

पवित्रात्मा तुसा बिच रैहन्दा जिन्हा ने मसीह यीशु जो मुर्देयां बिच का जिन्दा कित्ता। ते जिय्यां परमेश्वर ने मसीह यीशु जो मुर्देयां बिच का जिन्दा कित्ता, तिय्यां ही तुसा जो भी तिस्सी पवित्रात्मा रे जरिये मुर्देया बिच का जिन्दा करणा जे तुसा बिच रैहन्दा।

1 कुरुन्थियों 15:23

पर हर इक्क ने वरी-वरी करी के वापिस जिन्दे होई जाणा, सबका पैल्ले मसीह यीशु मुर्देयां बिच का जिन्दे होए, ते मसीह यीशु रे वापिस हटी आणे का बाद, हर इक्क से मणू वापिस जिन्दा करी दित्ता जाणा जिसेरा मसीह कने गहरा रिस्ता है।

2 कुरुन्थियों 13:4

मसीह यीशु सरीर री कमजोरी बिच सुली पर चढाई करी मारे गे, ते अवे परमेश्वर री ताकत रे जरिये जिया करदे हिन, तिस्सी तरिक्के कने असी भी मसीह यीशु सांई सरीर रे तौर पर कमजोर हिन, पर असी परमेश्वर री ताकत कने तुसा रे मामलेयां जो निपटाणे तांइ, मसीह यीशु कने जीणा।

2 कुरुन्थियों 4:14

अते ए जाणदे कि जिनिये प्रभु यीशु जो मरे रे लोक्कां बिच का जिंदा कित्तेया, तिन्हा ने ही असा जो भी तिय्यां ही जिंदा करणा, ते परमेश्वर ने असा जो तुसा कने कठ्ठे करी के लेई आणा ते असी तिन्हेरी मौजुदगी बिच हाजिर रैह्ण।

फिलिप्पियों 3:21

तिन्हा ने अपणी तिस्सी ताकत कने जिस कने तिन्हा ने हर चीज पर अपणा काबू करी लैणा, असा रे कमजोर इन्सानी शरीरां जो बदली करी तिन्हा जो अपणे महिमामय सरीर सांई बणाई दैणा।

1 थिस्सलुनीकियों 4:14

किजोकी असी विश्वासी जाणदे कि ए गल्ल सच है कि यीशु मरे ते फिरी जिन्दे होई गे तिय्यां ही परमेश्वर ने तिन्हा विश्वासी जो भी फिरी जिन्दा करणा जे मरी गेरे हिन ते तिन्हा जो यीशु कने वापिस हटाई लाणा।