1 कुरुन्थियों 6:10 - चम्बयाली नौआ नियम

¹⁰ चोरी करणे वाले, लालची, शराब्बि, गालां दैणे वाले, धोख्खा-धड़ी करणे वाले मणू कदी भी परमेश्वर रे राज रे वारिस नी होई सकदे।

1 कुरुन्थियों 6:10 ပူးပေါင်းရင်းမြစ်များ

मत्ती 21:19

सड़क रे कनारे इक्क अंजीर रा इक्क बूट्टा दिख्खी करी तिसेरे नेड़े गे ते पत्तेयां जो छड्डी करी तिस बिच होर किच्‍छ ना पाई करी तिसजो बोल्लेया, अब्बे का तेरे बिच फिरी कदी फल्ल ना लगे ते अंजीर रा बूट्टा तिसी बेल्ले सुकी गेया।

मत्ती 23:13

ओ ढोंगी शास्त्रियों, ते फरीसी लोक्कों, तुसा पर लाणत है! तुसा लोक्कां जो स्वर्ग रे राज बिच नी जाणा दिंदे, ना तां अप्पु खुद उस बिच जांदे अते ना ही उन्हा जो जाणे दिंदे जे जाणे तांइ कोसीस करेया करदे हिन।

मत्ती 23:33

तुसा जहरिल्ले कीड़े ते जहरिल्ले किड़ेयां रे बच्चेयां सांई खतरनाक हिन, तुसा किय्यां सोचदे कि तुसा नरक री आग्ग बिच सजा भोगणे का बची जाणा।

यूहन्ना 12:6

तिनिये ए गल्ल इस तांइ नी बोल्ली कि तिसजो गरीबां री चिन्ता थी, पर इस तांइ किजोकी ओ चोर थिया, ते उन्हेरी पैसे री थैल्ली हमेसा तिसका रैहंदी थी, ते जे किच्‍छ भी उस बिच पाया जादां थिया, ओ कड्डी लिदां थिया।

प्रेरितां रे कम्म 20:32

ते अवे मैं तुसा जो परमेश्वर, ते तिन्हेरे अनुग्रह रे वचन जो सौंपी दिन्दा जे तुसा रे विश्वास बिच तरक्की करांदा ते सारे पवित्र कित्ते रे मणूआं बिच साझ्झी करी के परमेश्वर विरासत बिच दैणा।

1 कुरुन्थियों 15:50

ओ संगी विश्वासियों, मैं चाह्‍ंदा कि तुसा इस गल्ल जो जाणो कि असा रे हड्ड-मांस वाले ए सरीर सड़ी जाणे जिसेरा मतलब ए है कि से कदी परमेश्वर रे राज बिच वास नी करी सकदे जिनिये हमेसा-हमेसा तिकर रैह्णा ते नाशवान कदी अविनाशी नी बणी सकदा।

1 कुरुन्थियों 5:11

पर मैं चीठ्ठी बिच तुसा जो जे लिख्खेया, से ए है कि कुसकी इदेय मणू कने कोई रिस्ता मत रख्खो जे मसीह यीशु बिच विश्वास करणे रा दावा ता करदा हो पर फिरी व्यभिचारी, लालची, मूर्ति पूजा करणे वाला, गाली दैणे वाला, पियक्कड़, या इक्क ठग हो। इदेय मणू कने गल्ल-बात मत रखदे, बल्कि इदेय मणूआं कने रोट्टी भी मत खान्दे।

गलातियों 5:21

जलन, मतवाले होई जाणा, लीला-क्रीड़ा अते इन्हा सांई होर-होर कम्म हिन, इन्हेरे बारे अन्दर मैं तुसा कने पैल्ले का ही जताई दिन्दा, जिय्यां कि पैल्ले भी जताई चुके रा है कि इदेय-इदेय कम्म करणे वाले मणू परमेश्वर रे राज रे वारिस नी बणी सकदे।

इफिसियों 4:28

चोरी करणे वाला फिरी चोरी ना करो, पर नेक कम्म करणे तांइ मैहनत करेया करे, ताकि जिस जो जरुरत हो तिसेरी मदद करी सके।

इफिसियों 5:5

किजोकी तुसा ए ठीक तरिक्के कने जाणदे की कुसकी व्यभिचारी या बुरे मणू, या लालच करणे वाले मणू जो जे मूर्ति या दुनियावी चीजां री पूजा करणे रे बराबर है, मसीह यीशु ते परमेश्वर रे राज बिच विरासत नी मिलणी।

1 थिस्सलुनीकियों 4:6

कि तुसा अपणे विश्वासी भाई रे खिलाफ पाप मत करदे, ते ना जो बुरी चाल चले किजोकी प्रभु यीशु ने इदेय कम्म करणे वालेयां जो सजा दैणी, जिन्हा रे बारे बिच असा तुसा जो पहले ही खबरदार कित्तेया है।

1 पतरस 4:15

जे अगर तुसा जो दुख झेलणा पे, तां इस वजह कने नी कि तुसा हत्यारे, चोर ते बुरे कम्म करणे वाले मणू हिन, या दूज्जेयां रे कम्म बिच रुकावट पाणे वाले मणू हिन,