1 कुरुन्थियों 5:7 - चम्बयाली नौआ नियम7 इधेरे तांइ तिस पाप जो अप्पु बिच का हटाओ जिय्यां कि यहूदी मणू फसह री रोट्टी रा त्योहर का पैल्ले अपणे घरे का तराक्के रे आट्टे जो हटाई दिंदे थिये, तां फिरी तुसा ने इक्क इदेय पवित्र विश्वासियां रा समुह बणना जे पवित्र ते सुच्चे होई करी बगैर कुसकी पाप रे असर रे इक्क-दूए कने संगती करणे वाले मणू बणना किजोकी परमेश्वर ने तुसा जो पैल्ले का ही साफ करी दित्ते रा है ते तुसा जो पवित्र बणाई दित्ते रा है। तुसा जो हमेसा साफ ते सुच्चे तरिक्के कने जिन्दगी जीणी चाएदी किजोकी मसीह यीशु ने असा जो असा रे पाप्पां का अजाद करणे तांइ कुर्बानी दित्ती थी, जिस तरिक्के कने यहूदी मणू फसह रे त्योहर का पैल्ले अपणे घर का खमीर हटाई दिंदे। အခန်းကိုကြည့်ပါ။ |
1 कुरुन्थियों 5:7
19 ပူးပေါင်းရင်းမြစ်များ
परमेश्वर ने मसीह जो असा रे पाप्पां री कीमत चुकाणे तांइ कुर्बान होणे तांइ भेज्जेया। मसीह ने अपणा खून बहाई करी अपणी जान देई दित्ती, ताकि असी तिन्हा पर विश्वास करणे कने परमेश्वर रे नेड़े आई सकण। ते परमेश्वर ने ए सारा किच्छ ए दिखाणे तांइ कित्ता, कि पैल्ले जमाने बिच से पापी लोक्कां कने सबर कने रैह्णे बिच, ते तिन्हा जो माफ करणे बिच धार्मिक थिये जे मसीह यीशु बिच विश्वास करदे, बल्कि अब्बे ही परमेश्वर री धार्मिकता ज़ाहिर होई जाओ, जिस कने से अप्पु ही धार्मिक ठैहरे, ते जे मसीह यीशु बिच विश्वास करदे होण, तिन्हा जो भी धार्मिक ठैहराणे वाले होण।
ကြော်ငြာတွေ