1 कुरुन्थियों 5:6 - चम्बयाली नौआ नियम

⁶ तुसा घमंड करणा छड्डी देयो। जिय्यां कि तुसा जाणदे कि जरा करी तराक पूरे गुह्ने रे आट्टे जो तराक्की दिंदा तिय्यां ही जां कोई इक्क मणू पाप करदा रैहन्दा तां तिस वजह कने तिसेरे कन्ने रे सारे मणू तिस असर बिच पाप करणा लग्गी पैंदे।

1 कुरुन्थियों 5:6 ပူးပေါင်းရင်းမြစ်များ

मत्ती 13:33

यीशु ने तिन्हा लोक्कां जो समझाणे तांइ इक्क होर उदारण दित्तेया, “स्वर्ग रा राज आट्टे री तराक्क सांई है, ते जिय्यां थोड़ी जदेई तराक्क पूरी प्रात रे आट्टे जो भी त्राक्की दिंदी तिय्यां ही स्वर्ग रा राज भी थोड़े लोक्कां रे जरिए सारी लोक्कां बिच फैलदा जाणा।”

लूका 13:21

से उस त्राक सांई है, जिस जो कुसकी जनानी ने बबरु बणाणे तांइ आट्टे अन्दर मलाई दित्तेया बसक्क, त्राक तिस आट्टे का बड़ी घट् थी, तां भी तिस त्राक ने पूरे आट्टे जो त्राक बणाई करी फुलाई दित्तेया।

रोमियों 6:16

तुसा जाणदे कि जां तुसा अप्पु जो कुसकी रा गुलाम बणने तांइ सौंप्पि दिंदे, तां से मणू तुसा रा मालिक बणी जांदा। जे अगर तुसा चाओ ता पाप रे गुलाम बणी सकदे जे मौत दिंदा, या तुसा अप्पु जो परमेश्वर रे हुकम मनणे तांइ सौंप्पि सकदे जे तुसा जो धार्मिक ठैहरांदे।

1 कुरुन्थियों 15:33

तिन्हेरी इदेइ गल्लां कने धोखा मत खांदे, “बुरी सगंत ठीक चरित्र जो खराब करी दिंदी।”

1 कुरुन्थियों 3:21

इधेरे तांइ कोई मणू जो अप्पु पर या कुसकी होर मणू पर घमंड नी होणा चाएदा, चाए पौलुस हो या अपुल्लोस या पतरस, चाए दुनिया हो या जीणा-मरणा हो, चाये अज्ज री गल्लां हो या आणे वाले कल री गल्लां हो, ए सब किच्‍छ तुसा रा है, अते तुसा मसीह यीशु रे हिन, अते मसीह यीशु परमेश्वर रा है।

1 कुरुन्थियों 5:2

इस बारे बिच तुसा दुखी होणा चाएदा थिया। जे कोई इदेया कम्म करदा तुसा जो तिस मणू जो अपणी कलीसिया बिच का बाहर कड्डी दैणा चाएदा थिया, पर इय्यां करणे रे बजाए तुसा उल्टा घमंड कने भरी गे।

गलातियों 5:9

झूठ्ठी शिक्षा थोड़े जदेय त्रके रे आट्टे सांई है जे गुन्ने रे आट्टे जो तरकाई दिंदा।

2 तीमुथियुस 2:17

तिन्हेरे बसेख ने फैलदे जाणा ते लोक्कां रे विश्वास जो नुक्सान पूजाणा, जिय्यां इक्क खुले रा जख्म फैलदा ते कुसकी मणू जो संक्रमित करदा। हुमिनयुस ते फिलेतुस इदेय लोक्कां बिच का ही हिन।

याकूब 4:16

पर अवे तुसा अपणे बुरे मनसुबे पर घमडं करदे, ते इदेया घमंड बुरा है।