1 कुरुन्थियों 5:5 - चम्बयाली नौआ नियम

⁵ इदेय मणू जो शैतान जो वापिस सौंपी देयो, ताकि से अपणे पाप्पां का माफी मंगी लेयो। जे अगर से अपणे पाप्पां का माफी मंगी लिंदा तां मसीह रे दुनिया रे हिसाब-किताब करणे बेल्ले तिस मणू ने बची जाणा।

1 कुरुन्थियों 5:5 ပူးပေါင်းရင်းမြစ်များ

मत्ती 4:10

तां यीशु ने तिसजो बोल्लेया, “ओ शैतान, दुर होई जा किजोकी पवित्रशास्त्र बिच लिख्खे रा है, ‘तू प्रभु अपणे परमेश्वर जो ही प्रणाम कर अते सिर्फ उन्हेरी ही सेवा कर।’”

लूका 22:31

ओ शमौन, चुकन्ने रेयो, किजोकी ने शैतान ने परमेश्वर का ए अनुमती मंगे री है कि से तुसा परखे ताकि तुसा मुसीबत बिच पेयो ते तुसा रा जे विश्वास मेरे अंदर है तिसजो हिलाए दीये जिय्यां किसान कणक जो छटकारदा।

प्रेरितां रे कम्म 26:18

ताकि तू तिन्हेरी आख्खियां खोल्ले जिस कने से न्याहरे का रौसनी पास्से, ते शैतान रे अधिकार का निकली करी परमेश्वर पास्से फिरी जाण ताकि से तिन्हेरे पाप्पां जो माफ करण ते से मणू तिन्हा मणूआं कने जगाह् हासिल करण जे मेरे पर विश्वास करणे कने पवित्र कित्ते गेरे हिन।

1 कुरुन्थियों 1:8

परमेश्वर ने तुसा जो आखरी समय तिकर मजबूत बनाणा, ते मसीह यीशु बिच तुसा रे विश्वास जो ताकतवर बनाणा ताकि तुसा मसीह यीशु रे हटी आणे वाले बेल्ले बिच बेकसूर ठेहरो।

1 कुरुन्थियों 11:32

पर प्रभु असा जो सजा देई करी असा जो अनुशासित करदे ताकि आखरी बिच असा जो दुनिया कने गुनेह्गार ना ठैहराण।

1 कुरुन्थियों 5:13

जिय्यां कि पवित्रशास्त्र बिच लिख्खे रा है कि अविश्वासियां रा हिसाब-किताब ता परमेश्वर करदा, पर तुसा इदेय बुरे कम्म करणे वालेयां जो अपणे बिच का कड्डी देयो।

2 कुरुन्थियों 10:6

ते जां से पूरी तरिक्के कने मसीह रे हुकम मनणे वाले बणी जांदे, तां असी तैयार रैहन्दे कि मसीह यीशु रे हुकमां जो ना मनणे वाले जो सजा दिंदे।

2 कुरुन्थियों 12:7

मेरे सरीर बिच इक्क बड़ी वरी पीड़ कुसकी कंडे सांई लग्गे री है, ते शैतान रा इक्क दूत मेरे जो तड़पांदा रैहन्दा, ताकि मैं परमेश्वर का मिल्ले रे बड़े सारे प्रकाशन पाणे री वजह कने घमंडी ना बणी जां।

2 कुरुन्थियों 13:10

इधेरे तांइ मैं तुसा का आणे का पैल्ले तुसा जो ए गल्लां चीठ्ठी बिच लिख्खेया करदा है, ताकि मेरे जो प्रभु रे दित्ते रे हक जो तुसा जो सजा देई करी दसणे री जरुरत ना पेयो। किजोकी मैं तिस हक जो तुसा रे विश्वास जो मजबूत करणे तांइ इस्तेमाल करण चाह्‍ंदा ना कि तोड़ने तांइ।

फिलिप्पियों 1:6

मेरे जो इस गल्ल रा भरोस्सा है कि जिस परमेश्वर ने तुसा अन्दर भला कम्म सुरु कित्ते रा है ते तिस्सी परमेश्वर ने ही तिस कम्म जो मसीह यीशु रे हटणे रे समय तिकर पूरा करणा।

1 तीमुथियुस 1:20

उन्ही बिच का हुमिनयुस ते सिकन्दर हिन जिन्हा जो मैं कलीसिया बिच का कड्डी दित्ते रा है ते तिन्हा जो शैतान रे वस बिच छड्डी दित्ते रा है ताकि से मणू समजी जाण कि तिन्हा जो परमेश्वर री बेजती नी करणी चाएदी।

2 तीमुथियुस 1:18

प्रभु अपणे दुबारा हटणे रे दिन पर उनेसिफुस पर दया करे। तुसा अप्पु ही जाणदे कि जां मैं इफिसुस सहर बिच थिया तां तिनिये मेरी किन्नी जादा मदद कित्ती थी।

2 पतरस 3:12

जां तुसा बड़ी बेसबरी कने तिस दिन रा इंतजार करेया करदे हिन जे परमेश्वर ने मसीह रे हटणे तांइ रख्खे रा है तां तुसा इसी तरिक्के कने बोल-चाल बणाई रख्खो, ते तिस दिन जो तौले लाणे तांइ तुसा पूरी कोसीस करो। तिस दिन परमेश्वर ने आसमान जो आग्ग के मुकाई दैणा, ते आग्ग री गरमी ने आसमान री सब चीजां जो गलाई दैणा।

1 यूहन्ना 5:16

जे अगर तुसा संगी विश्वासी इदेय तरिक्के कने पाप करदे दिख्खो कि जिसेरा नतीज्जा हमेसा री मृत्यु ना हो तां तिन्हेरे तांइ प्रार्थना करो कि परमेश्वर तिन्हा जो हमेसा री जिन्दगी दे। इदेय पाप भी हिन जिन्हेरा नतीज्जा हमेसा री मृत्यु है, मैं तुसा जो तिन्हा तांइ प्रार्थना करणे तांइ नी बोलदा।