1 कुरुन्थियों 5:3 - चम्बयाली नौआ नियम

³ हालांकि मैं तित्ते तुसा कने नी है, पर जां मैं तुसा ते कलीसिया बिच होणे वाली परेशानियां रे बारे बिच सूणदा तां इय्यां लगदा कि जिय्यां मैं तित्ते तुसा रे बिच मझाटे ही है ते तिस मणू रा हिसाब-किताब करेया करदा है।

1 कुरुन्थियों 5:3 ပူးပေါင်းရင်းမြစ်များ

1 कुरुन्थियों 5:12

जे मणू विश्वासी नी हिन, तिन्हेरा हिसाब-किताब करणा मेरी जिम्मदारी नी है। पर शायद तुसा इदेय लोक्कां जो सजा देई सकदे जे तुसा री कलीसिया रे हिस्से हिन।

2 कुरुन्थियों 10:1

मैं पौलुस, तुसा का मसीह यीशु री दयालुता ते निमतेपन कने बिनती करदा, हालांकि मेरे जो इस गल्ल रा एहसास है कि तुसा लोक्कां जो ए लगदा कि मैं आमणे-सामणे गल्ल करणे बिच डरपोक है, ते सिर्फ चीठ्ठी लिख्खी करी गल्लां समझाणे बिच बड़ी हिम्मत रखदा।

2 कुरुन्थियों 10:11

जे इय्यां बोलदे, से ए समजी रख्खे कि जिय्यां पिठ्ठी पीच्छे चीठ्ठियां बिच असा रे बसेख हिन, तिय्यां ही तुसा सामणे असा रे कम्म भी होणे।

2 कुरुन्थियों 13:2

जां मैं दूज्जी बाहर तुसा कने मिलणे तांइ आया थिया, तां मैं पाप बिच जिन्दगी जीणे वाले मणूआं जो चितौणी दित्ती थी। ते अवे दुबारा, मैं तिन्हा जो ते बाकि सारे जणेया जो चितौणी देया करदा है, जिय्यां कि मैं पैल्ले भी दित्ती थी, कि जां मैं तुसा का फिरी आणा तां तिन्हा जो छडणा नी जे मणू अपणे पाप्पां का तौबा नी करदे।

कुलुस्सियों 2:5

हालांकि मैं तुसा का दुर है, तां भी मैं हमेसा तुसा रे बारे बिच सोचदा रैहन्दा, मैं इस गल्ल कने खुस है कि तुसा इक्क-मन होई करी तिय्यां ही रेया करदे हिन जिय्यां तुसा जो रैह्णा भी चाएदा ते मसीह बिच तुसा रा विश्वास भी मजबूत है।

1 थिस्सलुनीकियों 2:17

ओ संगी विश्वासियों, जां असी थोड़ी देर तांइ तुसा का दुर थिये पर मन बिच हमेसा तुसा जो याद रखदे थिये तां असी तुसा कने मिलणे तांइ बड़ी मैहनत कित्ती किजोकी असी दुबारा तुसा जो दिखणा चाह्‍ंदे थिये।