1 कुरुन्थियों 5:2 - चम्बयाली नौआ नियम

² इस बारे बिच तुसा दुखी होणा चाएदा थिया। जे कोई इदेया कम्म करदा तुसा जो तिस मणू जो अपणी कलीसिया बिच का बाहर कड्डी दैणा चाएदा थिया, पर इय्यां करणे रे बजाए तुसा उल्टा घमंड कने भरी गे।

1 कुरुन्थियों 5:2 ပူးပေါင်းရင်းမြစ်များ

1 कुरुन्थियों 4:18

तुसा बिच किच्‍छ मणू ए सोच्ची करी घमंड कने भरी गेरे हिन कि मैं तुसा का कदी हटी करी नी आणा।

1 कुरुन्थियों 5:13

जिय्यां कि पवित्रशास्त्र बिच लिख्खे रा है कि अविश्वासियां रा हिसाब-किताब ता परमेश्वर करदा, पर तुसा इदेय बुरे कम्म करणे वालेयां जो अपणे बिच का कड्डी देयो।

2 कुरुन्थियों 12:20

किजोकी मेरे जो डर है, कि कुते इय्यां ना होई जाए कि जां मैं तुसा का आं, तां जदेया मैं चाह्‍ंदा, तुसा तदेय ना होण, ते तुसा भी मेरे जो तदेया ना पाओ जदेया तुसा मेरे जो चाह्‍ंदे। ते मेरे जो डर है कि तिसेरी वजह कने तुसा बिच लड़ाई, हिरस, गुस्सा, विरोध, मतलबीपन, चुगली, घमण्ड, धोखा-धड़ी ते बखेड़े होई जाणे।

2 कुरुन्थियों 12:21

मेरे जो डर है कि जां मैं तुसा का दुबारा आणा, तां परमेश्वर मेरे जो बेज्जत ना करण, ते मेरे जो मते लोक्कां तांइ अफसोस ना करणा पे जिन्हा ने पैल्ले भिठ्ठे काम्म, व्यभिचार, ते शर्मसार करणे वाले पाप कित्ते थिये, ते तिन्हा सारे पाप्पां का तौबा नी कित्ती थी।