1 कुरुन्थियों 5:13 - चम्बयाली नौआ नियम

¹³ जिय्यां कि पवित्रशास्त्र बिच लिख्खे रा है कि अविश्वासियां रा हिसाब-किताब ता परमेश्वर करदा, पर तुसा इदेय बुरे कम्म करणे वालेयां जो अपणे बिच का कड्डी देयो।

1 कुरुन्थियों 5:13 ပူးပေါင်းရင်းမြစ်များ

मत्ती 18:17

जे से तिन्हा लोक्कां री भी ना सुणे, तां कलीसिया जो तिस कने गल्ल करणे तांइ बोल, जे से कलीसिया री भी नी सुणे, तां तुसा तिसजो कलीसिया का कड्डी देयो ते तिस कने इदेया बर्ताव रख्खो जदेया तुसा कुसकी गैर-यहूदी ते चुंगी लैणे वाले कने करदे।

प्रेरितां रे कम्म 17:31

किजोकी तिन्हा ने इक्क रोज पक्का कित्तेया है, तिन्हा मणूआं रे जरिए धर्म कने दुनिया रा हिसाब-किताब करणा, जिन्हा जो तिन्हा ने चुणे रा है तिन्हा जो मरे रेयां बिच का जिंदा करणा, ए गल्ल सबनियां पर प्रमाणित करी दित्ती गे री है।

रोमियों 2:16

ए सारा किच्‍छ तिस दिन ज़ाहिर कित्तेया जाणा, जां परमेश्वर ने तिस सुब बसेख रे मुताबिक जिसेरा मैं प्रचार करदा, मसीह यीशु रे जरिये लोक्कां रे लुके री गल्लां रा हिसाब लैणा।

1 कुरुन्थियों 5:1

किच्‍छ लोक्कां ने मेरे जो दस्से रा है कि तुसा रे कलीसिया रे किच्‍छ मणू व्यभिचार बिच पे रे हिन। बल्कि इदेया व्यभिचार ता मसीह बिच विश्वास ना करणे वाले लोक्कां बिच भी नी हुंदा कि इक्क मणू अपणी सौतेली मां कने नाजायज़ रिश्ते बणाए।

1 कुरुन्थियों 5:2

इस बारे बिच तुसा दुखी होणा चाएदा थिया। जे कोई इदेया कम्म करदा तुसा जो तिस मणू जो अपणी कलीसिया बिच का बाहर कड्डी दैणा चाएदा थिया, पर इय्यां करणे रे बजाए तुसा उल्टा घमंड कने भरी गे।

1 कुरुन्थियों 5:5

इदेय मणू जो शैतान जो वापिस सौंपी देयो, ताकि से अपणे पाप्पां का माफी मंगी लेयो। जे अगर से अपणे पाप्पां का माफी मंगी लिंदा तां मसीह रे दुनिया रे हिसाब-किताब करणे बेल्ले तिस मणू ने बची जाणा।

1 कुरुन्थियों 5:7

इधेरे तांइ तिस पाप जो अप्पु बिच का हटाओ जिय्यां कि यहूदी मणू फसह री रोट्टी रा त्योहर का पैल्ले अपणे घरे का तराक्के रे आट्टे जो हटाई दिंदे थिये, तां फिरी तुसा ने इक्क इदेय पवित्र विश्वासियां रा समुह बणना जे पवित्र ते सुच्चे होई करी बगैर कुसकी पाप रे असर रे इक्क-दूए कने संगती करणे वाले मणू बणना किजोकी परमेश्वर ने तुसा जो पैल्ले का ही साफ करी दित्ते रा है ते तुसा जो पवित्र बणाई दित्ते रा है। तुसा जो हमेसा साफ ते सुच्चे तरिक्के कने जिन्दगी जीणी चाएदी किजोकी मसीह यीशु ने असा जो असा रे पाप्पां का अजाद करणे तांइ कुर्बानी दित्ती थी, जिस तरिक्के कने यहूदी मणू फसह रे त्योहर का पैल्ले अपणे घर का खमीर हटाई दिंदे।

इब्रानियों 13:4

ब्याह जो आदर देयो, ते ब्यात्ते रे आदमी ते औरत जो अप्पु अदंर इक्क-दूए री इज्जत करणा चाएदी, ते तिन्हा जो इक्क-दूए कने भरोसेमंद रैह्णा चाएदा। किजोकी व्यभिचारी ते चरित्रहीन लोक्कां पर परमेश्वर ने इल्जाम लाणा।

2 पतरस 2:9

ए सारी चीजां जे परमेश्वर ने पैल्ले रे जमान्ने बिच कित्ते री हिन, ए जाहिर करदी कि प्रभु परमेश्वर ने तिन्हा लोक्कां जो सुरक्षित रखणा जे मणू भक्ति कने भरे री जिन्दगी जिन्दे, ते इस कने ए भी जाहिर हुंदा कि परमेश्वर ने दुष्ट लोक्कां जो अपणे हिसाब-किताब करणे रे दिन तिकर सजा दिंदे रैह्णा।