1 कुरुन्थियों 5:11 - चम्बयाली नौआ नियम11 पर मैं चीठ्ठी बिच तुसा जो जे लिख्खेया, से ए है कि कुसकी इदेय मणू कने कोई रिस्ता मत रख्खो जे मसीह यीशु बिच विश्वास करणे रा दावा ता करदा हो पर फिरी व्यभिचारी, लालची, मूर्ति पूजा करणे वाला, गाली दैणे वाला, पियक्कड़, या इक्क ठग हो। इदेय मणू कने गल्ल-बात मत रखदे, बल्कि इदेय मणूआं कने रोट्टी भी मत खान्दे। အခန်းကိုကြည့်ပါ။ |
1 कुरुन्थियों 5:11
47 ပူးပေါင်းရင်းမြစ်များ
किजोकी याकूब रे भेज्जे रे किच्छ मणूआं रे इत्ते पुज्जणे का पैल्ले तिकर से गैर यहूदी लोक्कां कने रोट्टी खाया करदा थिया, पर तिन्हा मणूआं रे आणे का बाद से गैर यहूदी का परे हटी गेया, ते तिन्हा का अलग होई गेया। तिसने यहूदी विश्वासियां रे डर कने इदेया कित्तेया थिया, किजोकी से चाह्ंदे थिये कि गैर यहूदी मणूआं रा भी खतना होणा चाएदा।
पर मेरे जो तेरे खिलाफ किच्छ गल्लां बोलणी हिन, किजोकी तुसा तिन्हा लोक्कां रा विरोध नी करदे जे झूठ्ठी शिक्षा सुणांदे जिय्यां कि भविष्यद्वक्ता बिलाम ने भी बड़े पैल्ले कित्तेया थिया। बिलाम ने बलाक राज्जा जो सिखाया कि किय्यां इस्राएल रे लोक्कां का पाप कराया जाए। तिनिये लोक्कां का अनैतिक जिन्दगी जीणे ते मूर्तां जो भेंट चढ़ाए री चीजां खाणे तांइ सिखाया।
पर जे मणू अप्पु पर जुल्म होणे रे डर कने मेरे पर विश्वास करणे का मुकरी जांदे, तिन्हा जो भी तिस गन्धक बिच सूटी दित्तेया जाणा। तिय्यां ही बुराई रे कम्म करणे वाले लोक्कां जो तिस गन्धक वाली आग्ग बिच सूटी दित्तेया जाणा जिन्हा ने व्यभिचार, अपणे संगी साथियां पर जादू टोणा, ते मूर्ति पूजा कित्ती हो। इसजो दुई मौत बोल्लेया जांदा।
ကြော်ငြာတွေ