1 कुरुन्थियों 5:10 - चम्बयाली नौआ नियम

¹⁰ ए नी कि तुसा बिल्कुल ही इस दुनिया रे व्यभिचारियां, लालचियां, ठग मणूआं या मूर्ति पूजा करणे वालेयां कने गल्ल-बात करणा ही छड्डी देयो, इस हिसाब कने ता तुसा जो इस दुनिया जो छडणा पैणा,

1 कुरुन्थियों 5:10 ပူးပေါင်းရင်းမြစ်များ

लूका 18:11

से फरीसी कल्ला खड़ी करी प्रार्थना करणे लगया, ओ परमेश्वर, मैं तेरा शुकर करदा, कि मैं दूज्याँ सांई ना ही मणूआं जो ठगदा, ना ही मैं गलत करदा, अते ना ही व्यभिचारी है, अते ना चुंगी लैणे वाले सांई है

यूहन्ना 15:19

जे तुसा इस दुनिया रे लोक्कां सांई हुन्दे तां दुनिया रे लोक्कां ने तुसा कने अपणेयां सांई प्यार करणा थिया, पर तुसा इस दुनिया रे लोक्कां सांई नी हिन किजोकी मैं तुसा जो इस दुनिया रे लोक्कां बिच का चुणी लित्ते रा है, अते इधेरे तांइ दुनिया रे मणू तुसा रे कने दुश्मणी रखदे।

यूहन्ना 17:6

जिन्हा लोक्कां जो तुसा इस दुनिया रे लोक्कां बिच का मेरे जो सौंपेया थिया, मैं तिन्हा जो तुसा रे बारे बिच दस्सेया। से हमेसा का तुसा रे ही हिन। से तुसा रे बोलणे रे हिसाब कने चलेया करदे हिन।

यूहन्ना 17:9

मैं दुनिया रे लोक्कां तांइ प्रार्थना नी करदा जे गलत तौर-तरिक्के पर चलदे, पर सिर्फ तिन्हा लोक्कां तांइ जिन्हा जो तुसा मेरे जो सौंपेया, किजोकी से तुसा रे हिन।

यूहन्ना 8:23

यीशु ने तिन्हा लोक्कां जो बोल्लेया, तुसा मणूआं का पैदा होए रे हिन, पर मैं स्वर्ग का आए रा है, ते मैं इस दुनिया रे लोक्कां बिच का नी है।

1 कुरुन्थियों 1:20

तां फिरी अवे असी समजदार मणूआं रे बारे बिच कै बोल्ली सकदे? अवे असी यहूदी नियमां रे शास्त्रियां रे बारे बिच कै बोल्ली सकदे? ते अवे असी तिन्हा लोक्कां रे बारे बिच कै बोल्ली सकदे जे गल्ल-बात करणे बिच बड़े तेज हिन? परमेश्वर ने ए ज़ाहिर जताई दित्तां कि इस दुनिया री समझ रा कोई मुल्ल नी है।

1 कुरुन्थियों 10:27

जे अगर विश्वास नी करणे वालेयां बिच का कोई तुसा जो अपणे घरे सद्दो, ते तुसा तिन्हा का जाणा चाओ, तां जे किच्‍छ भी से मणू तुसा जो खाणे तांइ परोस्से से बिना सवाल कित्ते रे खाओ ते तुसा जो इस गल्ल तांइ बुरा ना लग्गो कि से मूर्तां जो चढ़ाए रा है या नी।

1 कुरुन्थियों 5:11

पर मैं चीठ्ठी बिच तुसा जो जे लिख्खेया, से ए है कि कुसकी इदेय मणू कने कोई रिस्ता मत रख्खो जे मसीह यीशु बिच विश्वास करणे रा दावा ता करदा हो पर फिरी व्यभिचारी, लालची, मूर्ति पूजा करणे वाला, गाली दैणे वाला, पियक्कड़, या इक्क ठग हो। इदेय मणू कने गल्ल-बात मत रखदे, बल्कि इदेय मणूआं कने रोट्टी भी मत खान्दे।

1 कुरुन्थियों 5:9

मैं अपणी पैल्ली चीठ्ठियां बिच तुसा जो लिख्खेया थिया कि व्यभिचारियां री संगती मत करदे।

2 कुरुन्थियों 4:4

शैतान, जे इस दुनिया रे लोक्कां रा शासक है, तिनिये मसीह यीशु बिच विश्वास ना करणे वाले लोक्कां री समझ जो मंद करी रख्खे रा है, ताकि से मणू सुब बसेख री महिमामय रौसनी जो नी दिख्खी सके। से मणू मसीह यीशु रे इस महिमा रे बसेख जो नी समजदे जे परमेश्वर रे प्रतीरुप हिन।

इफिसियों 2:2

तिस बेल्ले तुसा दुनियादारी रे तौर-तरिक्के कने चलदे थिये ते तुसा शैतान रे कहे मुताबिक चलेया करदे थिये जे दुष्टात्मां रा हाकिम है, ते जे अज्ज भी तिन्हा लोक्कां बिच कम्म करेया करदा है जे परमेश्वर रे हुकमां री ना-फरमानी करदे।

फिलिप्पियों 2:15

ताकि इस दुनिया रे बुरे ते भ्रष्ट लोक्कां बिच परमेश्वर रे बच्चेयां सांई इक्क ठीक ते साफ जिन्दगी जियो। इस दुनिया रे लोक्कां बिच मझाटे जिन्दगी रे वचन बिच मजबूत होई करी आसमान रे तारेयां सांई चमको।

1 यूहन्ना 4:5

झूठ्ठे भविष्यद्वक्ता इस दुनिया रे लोक्कां बिच का हिन, इधेरे तांइ से दुनिया रे नजरिये कने गल्ल करदे ते दुनिया रे मणू तिन्हेरी सूणदे भी।

1 यूहन्ना 4:7

ओ प्यारेयों, असी अप्पु-मिते प्यार रखण किजोकी प्यार परमेश्वर रे पास्से का है, ते जे दूज्जेयां कने प्यार रखदा, से परमेश्वर रा बच्चा है, ते परमेश्वर जो जाणदा।

1 यूहन्ना 5:19

असा जो पता है कि असी परमेश्वर कने हिन ते सारी दुनिया तिस शैतान रे वस अन्दर पेरी है।

प्रकाशित वाक्य 12:9

तां तिस अजगर ते तिसेरे दूत जो धरती पर सूटी दित्तेया गेया। से अजगर ओ ही है जिस जो पैल्ले-पैल्ले कीड़ा भी बोल्लेया गेया थिया, जिसेरा नां शैतान। एह् ओई है जे दुनिया रे लोक्कां पर इल्जाम लगांदा अते भटकाया करदा है।