1 कुरुन्थियों 4:8 - चम्बयाली नौआ नियम

⁸ तुसा का अपणी आत्मिक जरुरत रे हिसाब कने सब किच्‍छ है, तुसा इय्यां सोचदे कि तुसा का पवित्रात्मा रे सारे वरदान हिन। तुसा जो इय्यां लगदा कि असा रे बगैर ही रे राज्जेयां सांई राज करणा सुरु करी दित्ते रा है। जे अगर तुसा राज्जेयां सांई राज करेया करदे हुंदे ता ए असा तांइ बड़ी खुसी री गल्ल होणी थी, किजोकी तां फिरी असा भी तुसा कने राज करणा थिया।

1 कुरुन्थियों 4:8 ပူးပေါင်းရင်းမြစ်များ

मत्ती 5:1

यीशु ने जां भीड़ दिख्खी तां से तिन्हा लोक्कां जो सखाणे तांइ फाट्टा पर चढ़ी गे ते तित्ते बेई गे, ते तिन्हेरे चेल्‍ले तिन्हेरे का आये,

लूका 6:25

लाणत है तिन्हा मणूआं पर जे अब्बे रज्जे रे हिन, किजोकी तिन्हेरा भूख्खे रैह्णे रा बेल्ला भी आणा। लाणत है तिन्हा मणूआं पर जे अज्ज हसदे हिन, किजोकी इदेया बेल्ला भी आणा जां तिन्हा ने रोणा अते दुखी होणा।

प्रेरितां रे कम्म 26:29

पौलुस ने बोल्लेया, परमेश्वर का मेरी प्रार्थना है कि कै थोड़े अन्दर कै मते अन्दर, सिर्फ तू ही नी पर जितणे भी मणू अज्ज मेरी सूणदे हिन, इन्हा बन्धनां जो छड्डी करी से मेरे सांई मसीही होई जाण।

रोमियों 12:3

किजोकी जे अनुग्रह मेरे जो मिल्ले रे तिस अनुग्रह री वजह कने मैं तुसा बिच का हर इक्क जो बोलदा कि जिन्ना अप्पु जो समझणा चाएदा, अप्पु जो कोई तिसका जादा ना समजे पर जिय्यां परमेश्वर ने हर इक्क जणे जो दित्ते रा तिस विश्वास रे नाप रे हिसाब कने, ठीक समझ कने अप्पु जो तिन्ना ही समजे।

1 कुरुन्थियों 4:18

तुसा बिच किच्‍छ मणू ए सोच्ची करी घमंड कने भरी गेरे हिन कि मैं तुसा का कदी हटी करी नी आणा।

1 कुरुन्थियों 5:6

तुसा घमंड करणा छड्डी देयो। जिय्यां कि तुसा जाणदे कि जरा करी तराक पूरे गुह्ने रे आट्टे जो तराक्की दिंदा तिय्यां ही जां कोई इक्क मणू पाप करदा रैहन्दा तां तिस वजह कने तिसेरे कन्ने रे सारे मणू तिस असर बिच पाप करणा लग्गी पैंदे।

2 कुरुन्थियों 11:1

मेरी चाह्‍त है कि जां मैं थोड़ी-मती बेवकूफी री गल्लां करदा, तां तुसा मेरे जो सहन करी लेयो।

2 कुरुन्थियों 13:9

पर जिस बेल्ले असी कमजोर हुंदे ते तुसा ताकतवर हुंदे, तां असा जो बड़ी खुसी हुंदी, इसेरे अलावा असी प्रार्थना भी करदे कि तुसा मसीह यीशु बिच विश्वास करणे बिच सिद्व होई जाओ।

गलातियों 6:3

किजोकी जे अगर कोई सोचदा कि से कोई खास मणू है पर हकीकत बिच से नी है, तां से अप्पु जो धोख्खा देया करदा है।

फिलिप्पियों 1:27

सिर्फ इन्ना ही करो कि मसीह रे सुब बसेख रे हिसाब कने जिन्दगी जियो। ते भले ही मैं तुसा जो आई करी मिलां या ना भी मिलां, वस तुसा रे बारे बिच ए ही सूणेया कि तुसा इक्क-मन होई इक्क ही मकसद तांइ इकठ्ठे होई करी तिस विश्वास तांइ कड़ा संघर्ष करदे रैहन्दे जे मसीह यीशु रा सुब बसेख है।

फिलिप्पियों 2:12

इधेरे तांइ मेरे प्यारेयों, तुसा चाए मैं तुसा कने रेयां या दुर रेयां पर तुसा हमेसा का मेरे हुकमां जो मनदे आए रे हिन। अवे तुसा बिच का हर इक्क जणे जो अपणे छुटकारे तांइ डरदे ते कमदे होए कम्म करदे रैह्णा चाएदा।

प्रकाशित वाक्य 3:17

तेरे जो लगदा कि तू बड़ा अमीर है किजोकी तेरे का अपणी जरुरत री हर इक्क चीज है, पर तू ए नी जाणदा कि तू बड़ा अभाग्गा है। किजोकी सच्चाई ए है कि तू गरीब है, तेरे पाणे तांइ कपड़े नी हिन ते तू अह्ना है।

प्रकाशित वाक्य 5:10

तू तिन्हा जो इदेय मणूआं बिच बदली दित्ता जिन्हा पर परमेश्वर राज करदे, ते तिन्हा जो पुरोत्त बणाई दित्ता जे परमेश्वर री सेवा करदे, ते तिन्हा लोक्कां ने धरती पर राज करणा।