1 कुरुन्थियों 4:4 - चम्बयाली नौआ नियम

⁴ किजोकी मेरा विवेक साफ है, फिरी भी मैं बेकसूर नी है, किजोकी मेरे जो परखणे वाला मेरा प्रभु है।

1 कुरुन्थियों 4:4 ပူးပေါင်းရင်းမြစ်များ

यूहन्ना 21:17

तिन्हा ने तिज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार रखदा? पतरस उदास होई गेया कि यीशु ने तिसका तिज्जी वरी इय्यां बोल्लेया कि, कै तू मेरे कने प्यार रखदा? अते तिसने बोल्लेया, ओ प्रभु जी, तुसा तां सब किच्‍छ जाणदे तुसा जाणदे हिन कि मैं तुसा कने प्यार रखदा यीशु ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई चरा।

प्रेरितां रे कम्म 23:1

पौलुस ने महासभा पास्से नझाई करी दिख्खेया ते बोल्लेया, ओ संगी विश्वासियों, मैं अज्ज तक परमेश्वर तांइ बिल्कुल सच्चे विवेक कने जिन्दगी बिताये री है।

रोमियों 2:13

किजोकी मूसा रे कानून जो सुनणे वाले मणू नी, पर कानून जो मनणे वाले मणू धार्मिक ठैहराए जांदे।

रोमियों 4:2

किजोकी जे अगर अब्राहम ठीक कम्मां कने धार्मिक ठैहराया जादां, तां तिन्हा का घंमड करणे री वजह होई सकदी थी, पर से परमेश्वर रे सामणे घमंड नी करी सकदे।

1 कुरुन्थियों 4:3

मेरे जो इस गल्ल री कोई फिकर नी है कि तुसा या कोई अधिकारी अपणे इन्सानी तौर-तरिक्के कने मेरा हिसाब-किताब करे। मैं ता अप्पु अपणा हिसाब-किताब नी करदा।

1 कुरुन्थियों 4:5

इधेरे तांइ, पैल्ले ही कुसकी गल्ल रा हिसाब कताब मत करेया करो, बल्कि जां तांइ प्रभु नी आंदे तां तांइ रुकी रेयो। किजोकी तिन्हा ने लोक्कां री दिल री लुके री गल्लां रे बारे बिच साफ-साफ दसणा जिन्हा रे बारे बिच कोई नी जाणदा। तिन्हा ने लोक्कां रे दिल रे लुके रे इराद्देयां जो साफ-साफ ज़ाहिर करणा। तां फिरी परमेश्वर ने सारेयां री तारिफ करणी।

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

2 कुरुन्थियों 5:10

किजोकी जरुरी है असा सारेयां रा हाल मसीह यीशु रे असा रा हिसाब-किताब करदे बेल्ले खुली जाए, की हर इक्क मणू अपणे भले-बुरें कम्मां रा बदला पाए जे तिन्हा ने सरीर रे जरिए कित्ते होण।