1 कुरुन्थियों 4:21 - चम्बयाली नौआ नियम

²¹ तुसा कै चाह्‍ंदे कि मैं तित्ते पूज्जी करी तुसा कने किय्यां बर्ताव करां? कै मैं डंडा लेई करी तुसा का आ, या प्यार ते निम्तेपन कने?

1 कुरुन्थियों 4:21 ပူးပေါင်းရင်းမြစ်များ

1 कुरुन्थियों 4:18

तुसा बिच किच्‍छ मणू ए सोच्ची करी घमंड कने भरी गेरे हिन कि मैं तुसा का कदी हटी करी नी आणा।

1 कुरुन्थियों 5:5

इदेय मणू जो शैतान जो वापिस सौंपी देयो, ताकि से अपणे पाप्पां का माफी मंगी लेयो। जे अगर से अपणे पाप्पां का माफी मंगी लिंदा तां मसीह रे दुनिया रे हिसाब-किताब करणे बेल्ले तिस मणू ने बची जाणा।

2 कुरुन्थियों 1:23

परमेश्वर मेरे गवाह हिन कि मैं सच बोल्लेया करदा है कि दूज्जी वरी कुरिन्थुस सहर बिच इधेरे तांइ नी आया किजोकी मैं तुसा जो तुसा री गलतियां री वजह कने बकणा नी चाह्‍ंदा थिया।

2 कुरुन्थियों 10:6

ते जां से पूरी तरिक्के कने मसीह रे हुकम मनणे वाले बणी जांदे, तां असी तैयार रैहन्दे कि मसीह यीशु रे हुकमां जो ना मनणे वाले जो सजा दिंदे।

2 कुरुन्थियों 10:8

किजोकी अगर मैं तिस हक रे बारे बिच होर भी गर्व करां, जे प्रभु ने असा जो तुसा रे विश्वास जो घटाणे तांइ नी पर तुसा रे विश्वास जो बधाणे तांइ दित्ते रा है, तां मैं शर्मिंदा नी होणा।

2 कुरुन्थियों 13:10

इधेरे तांइ मैं तुसा का आणे का पैल्ले तुसा जो ए गल्लां चीठ्ठी बिच लिख्खेया करदा है, ताकि मेरे जो प्रभु रे दित्ते रे हक जो तुसा जो सजा देई करी दसणे री जरुरत ना पेयो। किजोकी मैं तिस हक जो तुसा रे विश्वास जो मजबूत करणे तांइ इस्तेमाल करण चाह्‍ंदा ना कि तोड़ने तांइ।

2 कुरुन्थियों 13:2

जां मैं दूज्जी बाहर तुसा कने मिलणे तांइ आया थिया, तां मैं पाप बिच जिन्दगी जीणे वाले मणूआं जो चितौणी दित्ती थी। ते अवे दुबारा, मैं तिन्हा जो ते बाकि सारे जणेया जो चितौणी देया करदा है, जिय्यां कि मैं पैल्ले भी दित्ती थी, कि जां मैं तुसा का फिरी आणा तां तिन्हा जो छडणा नी जे मणू अपणे पाप्पां का तौबा नी करदे।

2 कुरुन्थियों 2:1

इधेरे तांइ मैं ए ठाणी लित्तेया थिया कि तुसा जो फिरी दुख दैणे तांइ ना आं।

2 कुरुन्थियों 2:3

अते ए ही गल्ल जे मैं तुसा जो लिख्खी ताकि कुथकी इय्यां ना हो कि जां मैं तुसा का आं, तां जिन्हा लोक्कां का मेरे जो खुसी मिलणी चाएदी, तिन्हा का मेरे जो दुख मिल्लो। किजोकी जां तुसा खुस हुंदे, तां तिस कने मेरे जो खुसी मिलदी।

2 कुरुन्थियों 3:10

हकीकत बिच नौई वाचा इन्नी जादा अनौखी है कि मूसा रा कानून अवे महिमामय नी रेया।

गलातियों 6:1

ओ संगी विश्वासियों, जे अगर कोई मणू कुसकी गलत कम्म करदा पकड़ेया भी जाओ, तां तुसा मणू जे पवित्रात्मा रे कहे मुताबिक चलदे, निम्तेपन कने इदेय मणू जो सही रस्ते पर वापिस लेयो, ते अपणे तांइ भी चुकन्ने रेयो ताकि तुसा पाप करणे री परिक्षा बिच ना पेई जाओ।

1 थिस्सलुनीकियों 2:7

पर जिय्यां मां अपणे बच्चेयां रा पालण-पोषण करदी, तिय्यां ही असी भी तुसा मझाटे रेई करी कौमलता दिखाई

याकूब 3:17

पर परमेश्वर रे पास्से का मिलणे वाला ज्ञान सबका पैल्ले तां से पवित्र हुन्दा, फिरी मिलनसार, भद्र, दया कने भरितेरा अते ठीक कम्मां कने लद्दितेरा, अते बगैर भेद-भाव रे ते सच्चा भी हुन्दा।