1 कुरुन्थियों 4:20 - चम्बयाली नौआ नियम

²⁰ किजोकी परमेश्वर रा राज सिर्फ बड़ी वरी गल्लां नी हिन, पर ए परमेश्वर री ताकत रे मुताबिक जीणा है।

1 कुरुन्थियों 4:20 ပူးပေါင်းရင်းမြစ်များ

रोमियों 1:16

किजोकी मैं मसीह रा सुब बसेख सुनाणे बिच गर्व करदा। ए सुब बसेख परमेश्वर री से ताकत है जिनिए पैल्ले यहूदी लोक्कां जो छुटकारा दित्तेया, ते अवे गैर यहूदियां जो भी छुटकारा देया करदे हिन।

रोमियों 14:17

किजोकी परमेश्वर रे राज बिच खाणा-पीणा नी है, पर धार्मिकता, मेल जोल ते से सांती है, जे पवित्रात्मा कने हुन्दा।

रोमियों 15:19

जे ताकत पवित्रात्मा ने मेरे जो दित्ते री है, तिस कने मैं चिन्ह-चमत्कार दिखांदा। इधेरे तांइ मैं यरुशलेम का लेई करी इल्लिरिकुम प्रदेश तिकर जित्ते भी गेया, तित्ते लोक्कां जो मसीह यीशु रा सुब बसेख सुणाया।

1 कुरुन्थियों 1:24

पर से मणू जिन्हा जो परमेश्वर ने अपणे मणू होणे तांइ सद्दे रा है, चाए फिरी से यहूदी हो या गैर यहूदी हो, तिन्हा तांइ मसीह परमेश्वर री ताकत ते ज्ञान हिन।

1 कुरुन्थियों 2:4

अते मेरे शिक्षा ते मेरे प्रचार बिच इन्सानी समझ वाले बड्डे बड्डे छैल शब्द नी थिये पर पवित्रात्मा ने तुसा जो इन्ने ताकतवर तरिक्के ए दिखाया कि जे बसेख मैं तुसा जो सुणाया थिया से सच थिया,

2 कुरुन्थियों 10:8

किजोकी अगर मैं तिस हक रे बारे बिच होर भी गर्व करां, जे प्रभु ने असा जो तुसा रे विश्वास जो घटाणे तांइ नी पर तुसा रे विश्वास जो बधाणे तांइ दित्ते रा है, तां मैं शर्मिंदा नी होणा।

1 थिस्सलुनीकियों 1:5

किजोकी मसीह यीशु रा सुब बसेख तुसा का ना सिर्फ गल्लां बिच, पर पवित्रात्मा री ताकत अते मजबूत भरोस्से कने पूजाया गेया। तुसा जाणदे कि जां असी तुसा रे कने थिये, तां कुस तरिक्के री जिन्दगी जिया करदे थिये।