1 कुरुन्थियों 4:18 - चम्बयाली नौआ नियम

¹⁸ तुसा बिच किच्‍छ मणू ए सोच्ची करी घमंड कने भरी गेरे हिन कि मैं तुसा का कदी हटी करी नी आणा।

1 कुरुन्थियों 4:18 ပူးပေါင်းရင်းမြစ်များ

1 कुरुन्थियों 4:21

तुसा कै चाह्‍ंदे कि मैं तित्ते पूज्जी करी तुसा कने किय्यां बर्ताव करां? कै मैं डंडा लेई करी तुसा का आ, या प्यार ते निम्तेपन कने?

1 कुरुन्थियों 5:2

इस बारे बिच तुसा दुखी होणा चाएदा थिया। जे कोई इदेया कम्म करदा तुसा जो तिस मणू जो अपणी कलीसिया बिच का बाहर कड्डी दैणा चाएदा थिया, पर इय्यां करणे रे बजाए तुसा उल्टा घमंड कने भरी गे।

2 कुरुन्थियों 10:2

मैं तुसा रे छंदे करदा कि जां मैं तुसा का आं, तां मेरे जो तिन्हा लोक्कां कने कड़ाई कने गल्ल ना करणा पये, जे ए सोचदे कि असी दुनियावी तौर-तरिक्के रे हिसाब कने चलदे।

2 कुरुन्थियों 12:20

किजोकी मेरे जो डर है, कि कुते इय्यां ना होई जाए कि जां मैं तुसा का आं, तां जदेया मैं चाह्‍ंदा, तुसा तदेय ना होण, ते तुसा भी मेरे जो तदेया ना पाओ जदेया तुसा मेरे जो चाह्‍ंदे। ते मेरे जो डर है कि तिसेरी वजह कने तुसा बिच लड़ाई, हिरस, गुस्सा, विरोध, मतलबीपन, चुगली, घमण्ड, धोखा-धड़ी ते बखेड़े होई जाणे।