1 कुरुन्थियों 4:17 - चम्बयाली नौआ नियम

¹⁷ इधेरे तांइ मैं तीमुथियुस जो जे प्रभु बिच मेरा प्यारा अते भरोस्सेमंद पुत्तर सांई है, तुसा का भेज्जेया। तिन्ने तुसा जो दसणा कि इक्क मसीही मणू रे तौर पर मैं किय्यां जिन्दगी जिया करदा है, जदेया कि मैं हर इक्क जगाह् ते हर इक्क कलीसिया बिच दसदा भी।

1 कुरुन्थियों 4:17 ပူးပေါင်းရင်းမြစ်များ

मत्ती 24:45

अते से भरोसेमदं ते समजदार दास कुण है, जिस जो मालक ने नौकरांं-चाकरां पर सरदार ठैहराया की ठीक-ठीक समय पर तिन्हेरे जो रोटी देय?

मत्ती 25:21

तिसेरे मालक ने तिसजो बोल्लेया, शाबास, तू विश्वास रे लायक खरा नौक्कर है, तू थोड़े तोड़ेयां बिच भी विश्वास रे लायक रेया, मैं तिज्जो बड़ी चीजां पर हक दैणा।

मत्ती 25:23

तिसेरे मालक ने तिसजो बोल्लेया, शाबास, तू विश्वास रे लायक खरा नौक्कर है, तू थोड़े तोड़ेयां बिच भी विश्वास रे लायक रेया, मैं तिज्जो बड़ी चीजां पर हक दैणा। अपणे मालक री खुसी बिच शामिल होई जा।

प्रेरितां रे कम्म 16:1

फिरी से दिरबे ते लुस्त्रा रे सहरां बिच भी गेया, ते दिख्खो, तित्ते तीमुथियुस नां रा इक्क चेल्ला थिया, जे कुसकी विश्वासी यहूदी जनानी रा निक्का थिया, पर तिसेरा पुत्तर यूनानी थिया

1 कुरुन्थियों 11:16

पर जे अगर कोई सोचदा कि मैं जे बोल्लेया करदा है से गलत है तां से ए जाणी लै कि असी ते परमेश्वर री हर कलीसिया ए सारी चीजां मनदे।

1 कुरुन्थियों 11:2

मैं तुसा री तारिफ करदा की तुसा सब गल्लां बिच मेरे जो याद रखदे, ते जे शिक्षा मैं तुसा जो मनणे तांइ दित्ते री हिन तुसा तिसजो मनदे।

1 कुरुन्थियों 11:34

जे अगर कोई भूख्खा हो तां अपणे घरे ही खाई लेया करे जिस कने जां तुसा कठियो तां तुसा चज्ज कने बर्ताव करेया करो ते परमेश्वर तुसा जो सजा ना दैण। बाकि गल्लां जो मैं आई करी सुलझाई दिंगा। मते तरिक्के रे हिन।

1 कुरुन्थियों 14:33

किजोकी परमेश्वर गड़बड़ी रा नी पर एकता ते सांती रा परमेश्वर है। ते ए तरिक्का परमेश्वर रे लोक्कां री सारी कलीसिया बिच मन्नेया जांदा,

1 कुरुन्थियों 16:1

अवे मैं तिस आर्थिक मदद रे बारे बिच जे परमेश्वर रे गरीब लोक्कां तांइ कठेरेया गेया थिया, जे हुकम गलातिया प्रदेश रे कलीसिया रे विश्वासियां जो दित्तेया थिया, तिय्यां ही तुसा भी करो!

1 कुरुन्थियों 16:10

जे अगर तीमुथियुस तुसा का आए ता तिस कने बड़ी इज्जत कने पेश आओ, किजोकी से मेरे सांई ही परमेश्वर रा कम्म करणे वाला मणू है।

1 कुरुन्थियों 4:14

मैं तुसा जो शर्मिंदा करणे तांइ ए गल्लां नी है लिखदा, पर मैं तुसा जो सिखाणे तांइ बोल्लेया करदा है किजोकी तुसा मेरे बच्चेयां सांई हिन जिन्हा कने मैं बड़ा वरी प्यार करदा।

1 कुरुन्थियों 4:15

मसीह यीशु रे पीच्छे चलणे तांइ तुसा जो सिखाणे वाले शायद दस हजार मणू भी होई सकदे, पर सिर्फ मैं ही तुसा तांइ इक्क प्यो सांई है, किजोकी मैं ही सबका पैल्ले तुसा जो सुब बसेख सुणाया, जिसेरा अंजाम ए होया कि अवे तुसा मसीह यीशु बिच विश्वास करदे।

1 कुरुन्थियों 4:2

ते तिस बारे बिच फिरी परमेश्वर रे बसेख रा राज़ जिन्हा लोक्कां रे हवाले कित्ते गे रा है, तिन्हा तांइ जरुरी है कि से भरोस्सेमंद रैह्ण।

1 कुरुन्थियों 7:17

ते जिय्यां परमेश्वर ने हर इक्क जो जिस तरिक्के री जिन्दगी जीणे रा वरदान दित्ते रा है ते अप्पु का सद्दे रा है, से तिस्सी हिसाब कने अपणी जिन्दगी जीण, ते मैं भी सारी कलीसियां जो ए ही बोलदा।

1 कुरुन्थियों 7:25

कुंआरी कुड़ियां तांइ प्रभु का कोई भी हुकम मेरे जो नी मिल्लेया, पर परमेश्वर ने अपणी दया कने मेरे जो जे ज्ञान दित्ते रा है से भरोस्से रे लायक है ते मैं तुसा जो सलाह दिंदा,

2 कुरुन्थियों 8:18

असा ने तिस कने तिस विश्वासी भ्याल जो भी भेज्जे रा है, जिस जो सारी कलीसियां रे सारे संगी विश्वासी मसीह यीशु रे सुब बसेख रे प्रचारक होणे रे नात्ते जाणदे।

इफिसियों 6:21

मैं तुखिकुस जो तुसा का भेज्जेया करदा है जे प्यारा संगी विश्वासी ते प्रभु बिच भरोस्सेमंद सेवक है। तिसने तुसा जो मेरे बारे बिच सारा किच्‍छ दस्सी दैणा कि असी कदेय हिन ते मैं किय्यां रैंह्दा।

फिलिप्पियों 2:19

मेरे जो मसीह यीशु बिच ए आस है कि मैं तीमुथियुस जो तौले ही तुसा का भेजां, ताकि तुसा रा हालचाल जाणी के मेरे जो हिम्मत मिल्ले।

फिलिप्पियों 2:22

पर तुसा तां जाणदे कि तीमुथियुस ने किय्यां साबित कित्ते रा है कि से विश्वासयोग्य है। ते जिय्यां इक्क पुत्तर अपणे प्यो कने मैहनत करदा, तिय्यां ही तीमुथियुस ने सुब बसेख फैलाणे अन्दर मेरे कने मैहनत कित्ती है।

कुलुस्सियों 1:7

तुसा ने इसेरी शिक्षा इपफ्रास का पाई, जे मसीह रे बसेख जो फैलाणे बिच असा रा साथी है ते असा पास्से का मसीह रा विश्वासयोग्य सेवक है।

कुलुस्सियों 4:9

मैं अपणे भरोस्सेमंद ते प्यारे विश्वासी भ्याल उनेसिमुस जो भी तिस कने भेजेया करदा है, जे तुसा रे ही सहर का है। तिसने तुसा जो से सब किच्‍छ दस्सी दैणा जे इत्ते होया करदा है।

1 तीमुथियुस 1:18

मेरे पुत्तर तीमुथियुस, मेरे तेरे जो ए सलाह देया करदा है, मैं चाह्‍ंदा कि तू भविष्यद्वक्ता रे बोल्ले री गल्लां याद करे कि तेरे कने कै होणा। तेरे जो तिसेरी बोल्ली री गल्लां जो तिन्हा झूठ्ठी शिक्षा दैणे वाले लोक्कां रे खिलाफ हथियार सांई इस्तेमाल करणा जरुरी है।

1 तीमुथियुस 1:2

मसीह यीशु बिच विश्वास करणे री वजह कने तीमुथियुस तू मेरा सच्चा मुंडा है। असा रे पिता परमेश्वर ते मसीह यीशु तेरे जो अनुग्रह ते सांती दिंदे रैह्ण।

2 तीमुथियुस 1:2

ओ तीमुथियुस तू मेरा प्यारा मुंडा है। पिता परमेश्वर ते असा रे मसीह यीशु तुसा पर अनुग्रह करदे रैह्ण।

2 तीमुथियुस 2:2

तुसा ने मते लोक्कां सामणे मेरे का मसीह रे बसेख रे बारे बिच सुणे रा है। इधेरे तांइ मैं चाह्‍ंदा कि तुसा भी तिस ही बसेख री शिक्षा तिन्हा भरोस्सेमंद विश्वासियां जो देयो जे होर लोक्कां जो सिखाणे रे काबिल हिन।

2 तीमुथियुस 3:10

पर तीमुथियुस तू साफ तौर पर जाणदा कि मैं कै सिखांदा ते मैं जिन्दगी किय्यां जिन्दा, ते मेरा मकसद कै है ते मैं कुस पर विश्वास करदा। तू जाणदा कि मैं सारे जणेया कने बड़ा सबर ते प्यार रख्खेया, मैं मुसीबतां भी सहन कित्ती, लोक्कां ने मेरे पर जुल्म भी कित्ते।

तीतुस 1:5

मैं तेरे जो क्रेते टापू बिच इधेरे तांइ छड्डेया थिया ताकि तित्ते जे कम्म बाकि रेई गे रा है तिजसो तू पूरा करी दे ते तित्ते री हर कलीसिया तांइ बुजुर्ग चुणी लै जिय्यां कि मैं करणे तांइ बोल्लेया थिया।

प्रकाशित वाक्य 2:10

तिन्हा जुल्मां का मत डरो जे तुसा पर होणे वाले हिन। शैतान ने अपणे किच्‍छ लोक्कां का तुसा बिच रे किच्‍छ मणूआं जो पकड़वाणा ते कैद बिच ढपवाणा ताकि से तुसा पर जुल्म करी सके। तुसा ने दस दिन तिकर बड्डी-बड्डी मुसीबतां सहन करणी। पर कदी मेरे पर विश्वास करणे बिच हार मत मनदे भले ही तुसा जो मारी दित्तेया जाए। किजोकी मैं तुसा जो तुसा री जीत तांइ हमेसा री जिन्दगी रा ईनाम दैणा।

प्रकाशित वाक्य 2:13

मैं जाणदा कि तुसा रा कस्बा शैतान रे वस बिच है, पर इय्यां हुंदे होए भी तुसा ने मेरे बिच अपणा विश्वास मजबूती कने बणाई रख्खेया ते मेरे पर विश्वास करणा नी छड्डेया, तिस बेल्ले भी नी जां लम्बे समय पैल्ले अन्तिपास जो मारी दित्तेया गेया थिया। से मेरा बसेख सुनाणे बिच भरोस्सेमंद थिया, इधेरे तांइ तिसजो तुसा रे कस्बे बिच मारी रख्खेया गेया जित्ते शैतान रा काबू है।