1 कुरुन्थियों 4:14 - चम्बयाली नौआ नियम

¹⁴ मैं तुसा जो शर्मिंदा करणे तांइ ए गल्लां नी है लिखदा, पर मैं तुसा जो सिखाणे तांइ बोल्लेया करदा है किजोकी तुसा मेरे बच्चेयां सांई हिन जिन्हा कने मैं बड़ा वरी प्यार करदा।

1 कुरुन्थियों 4:14 ပူးပေါင်းရင်းမြစ်များ

प्रेरितां रे कम्म 20:31

इधेरे तांइ चुकन्ने रेयो ते याद रख्खो कि मैं तुसा कने त्रै साल रेया ते हर बेल्ले तुसा री फिकर कित्ती ते कदी भी समझाणा नी छड्डेया।

1 कुरुन्थियों 15:34

तुसा जो पाप करणा छड्डी करी वापिस धार्मिकता रे कम्म करणा चाएदे। किजोकी तुसा बिच किच्‍छ लोक्कां रा परमेश्वर कने गहरा रिस्ता नी है। ए गल्ल मैं तुसा जो शर्मिंदा करणे तांइ ए बोलदा।

1 कुरुन्थियों 4:15

मसीह यीशु रे पीच्छे चलणे तांइ तुसा जो सिखाणे वाले शायद दस हजार मणू भी होई सकदे, पर सिर्फ मैं ही तुसा तांइ इक्क प्यो सांई है, किजोकी मैं ही सबका पैल्ले तुसा जो सुब बसेख सुणाया, जिसेरा अंजाम ए होया कि अवे तुसा मसीह यीशु बिच विश्वास करदे।

1 कुरुन्थियों 4:17

इधेरे तांइ मैं तीमुथियुस जो जे प्रभु बिच मेरा प्यारा अते भरोस्सेमंद पुत्तर सांई है, तुसा का भेज्जेया। तिन्ने तुसा जो दसणा कि इक्क मसीही मणू रे तौर पर मैं किय्यां जिन्दगी जिया करदा है, जदेया कि मैं हर इक्क जगाह् ते हर इक्क कलीसिया बिच दसदा भी।

1 कुरुन्थियों 6:5

तुसा लोक्कां जो शर्म आणा चाएदी! जरुर तुसा लोक्कां बिच कोई इक्क जणा होणा ही जे संगी विश्वासियां रे झगड़े सुलझाई सके।

1 कुरुन्थियों 9:15

पर मैं इन्हा बिच कुसकी भी हक जो अपणी जरुरतां जो पूरा करणे तांइ इस्तेमाल नी कित्तेया, ते मैं ए गल्लां इधेरे तांइ बिल्कुल भी नी लिख्खेया करदा है कि तुसा मेरे तांइ किच्‍छ करो, किजोकी मैं इसका जादा मरणा पसंद करगा कि कोई मेरे घमंड जो फिजुल ठेहराओ।

2 कुरुन्थियों 11:11

मैं किजो कदी पैसे नी लित्ते? कै इधेरे तांइ तुसा का दान नी लित्ता कि मैं तुसा कने प्यार नी रखदा? पर परमेश्वर ए जाणदे कि मैं तुसा कने प्यार रखदा।

2 कुरुन्थियों 12:19

ओ प्यारे विश्वासियों, तुसा हल्ले तांइ समजदे हो कि असी तुसा जो हटी करी जवाब देया करदे हिन। असी तां ए सोच्ची करी कि परमेश्वर असा जो दिख्खेया करदे हिन, मसीह यीशु बिच बोलदे, अते असी सारी गल्लां तुसा जो मसीह बिच विश्वास करणे बिच मजबूत बणाणे तांइ ही बोलदे।

2 कुरुन्थियों 7:3

मैं तुसा जो दोषी ठैहराणे तांइ ए नी बोलदा, किजोकी मैं पैल्ले ही बोल्ली चुक्के रा है कि असी तुसा जो इन्ना प्यार करदे कि असी तुसा कने जीणे-मरणे तांइ भी तैयार हिन।

कुलुस्सियों 1:28

असी मसीह रा प्रचार करदे, ते परमेश्वर रे असा जो दित्ते रे सारे ज्ञान कने हर मणू जो सिखांदे ते चितौणी दिंदे, ताकि जां हर इक्क जणा जां परमेश्वर रा सामणे खड़िये तां से सारे परिपक्व विश्वासी बणी जाण।

1 थिस्सलुनीकियों 2:11

तुसा जाणदे की जिय्यां पिता अपणे बच्चेयां कने बर्ताव करदा तिय्यां ही असी भी तुसा बिच हर इक्क जो सिखांदे, हिम्मत दिदें, ते समझादें थिये,

1 थिस्सलुनीकियों 5:14

ओ संगी विश्वासियों, असी तुसा का घड़ी-घड़ी बिनती करदे कि आलसी लोक्कां जो सावधान करो, डरपोक लोक्कां जो हिम्मत देयो, कमजोर लोक्कां री मदद करो ते सारेयां कने सबर कने रेयो।

2 थिस्सलुनीकियों 3:14

जे अगर कोई असा री इस चीठ्ठी बिच लिख्खे शिक्षा री गल्लां जो ना मन्ने तां सारेयां सामणे तिस मणू रा खुलासा करी देयो, ते इदेय विश्वासी का दुर रेयो ताकि इय्यां करणे कने तिसजो शर्मिंदगी महसूस हो।

फिलेमोन 1:10

मैं उनेसिमुस तांइ तुसा रे छंदे करदा जे मेरे बच्चे सांई है ते कैद बिच मेरे सुब बसेख रा प्रचार करणे रे कम्म री वजह कने विश्वासी बणेया।

1 यूहन्ना 2:1

ओ मेरे बच्चो, ए मैं तुसा जो इस तांइ लिख्खेया करदा है कि तुसा पाप ना करो। जे अगर कोई पाप करे, तां परमेश्वर पिता का असा तांइ कोई इक्क है जिन्हेरा नां मसीह यीशु है ते से परमेश्वर पिता का असा तांइ बिनती करदे। से धार्मिक हिन।

3 यूहन्ना 1:4

मेरे तांइ इसका जादा होर कोई खुसी री गल्ल नी हुंदी जां मैं सूणदा कि जिन्हा जो मैं अपणे बच्चेयां सांई मनदा से परमेश्वर री गल्लां जो मन्नी करी जिन्दगी जिया करदे हिन।