1 कुरुन्थियों 4:12 - चम्बयाली नौआ नियम

¹² अपणे हत्थां कने मैहनत-मजदूरी करदे हिन, जां मणू असा जो बुरा-भला बोलदे तां असी तिन्हा जो आशीष दिंदे, से असा जो तंग करदे अते असी तिन्हा जो सहन करदे।

1 कुरुन्थियों 4:12 ပူးပေါင်းရင်းမြစ်များ

मत्ती 5:11

“धन्न हिन तुसा, जां मेरे चेल्‍ले होणे री वजह कने लोक्कां ने तुसा जो बेइज्जत करणा ते तंग करणा ते झूठ बोल्ली करी तुसा रे खिलाफ हर तरह री गल्लां बोलणी,

मत्ती 5:44

पर मैं तुसा जो बोलदा, अपणे दुश्मणा कने प्यार करो अते जे तुसा जो तंग करदे, तिन्हा तांइ प्रार्थना करो।

लूका 23:34

तां यीशु ने बोल्लेया, ओ परम पिता, इन्हा जो माफ करेयां किजोकी ए नी जाणदे कि ए कै करेया करदे हिन फिरी सपाईयां ने यीशु रे कपड़े तांइ परचियाँ पाईयाँ अते यीशु रे कपड़े आपस बिच बन्डी लै।

लूका 6:28

जे मणू तुसा जो धिक्कार देंन, तिन्हा जो तुसा आशीष देया करो, जे तुसा री बुराई करदे, तिन्हेरे तांइ प्रार्थना करेया करो

यूहन्ना 15:20

मैं जे गल्लां तुसा जो बोल्ली, तिन्हा जो याद रख्खो, इक्क नौक्कर अपणे मालक का बड्डा नी हुंदा, इधेरे तांइ जे तिन्हा मेरे पर जुल्म कित्तेया तां तुसा पर भी जुल्म करणा, अते जे अगर तिन्हा मेरी शिक्षा जो मन्नेयां, तां तुसा री भी मनणी।

प्रेरितां रे कम्म 18:3

ते पौलुस तिन्हा जो दिखणे तांइ गेया किजोकी से तिन्हेरे सांई तम्बू रे व्यापारी थिये ते से तित्ते रुकी करी तिन्हेरे कने कम्म करदा थिया।

प्रेरितां रे कम्म 20:34

तुसा जो अप्पु ही पता है कि इन्हा ही हत्थां ने मेरी ते मेरे साथियां री जरुरतां पूरी कित्ती

प्रेरितां रे कम्म 7:60

फिरी गोड्डे भारे बेई करी बड़ी अवाज कने बोल्लेया, ओ प्रभु, ए पाप इन्हा पर मत ला ते ए बोल्ली करी से मरी गेया शाऊल तिसेरे मारे जाणे बिच सहमत थिया।

रोमियों 12:14

जे तुसा पर जुल्म करदे तिन्हा जो श्राप नी पर सिर्फ आशीष ही देयो।

रोमियों 12:20

पर जिय्यां पवित्रशास्त्र बिच इय्यां भी लिख्खे रा है, “जे अगर तेरा दुश्मण भूख्खा हो, तां तिसजो रोट्टी खुआ, जे अगर तिसजो त्रेह लग्गे री हो, तां तिसजो पाणी पिआ, किजोकी इय्यां करणे कने तू तिसजो शर्मसार करी दैणा।”

रोमियों 8:35

कोई असा जो मसीह यीशु रे प्यार का अलग नी करी सकदा। ना दुख-तकलिफां, ना मुसीबतां, ना लड़ाई-झगड़े, ना अकाल, ना नगांपन, ना खतरा ते ना ही मौत।

1 कुरुन्थियों 9:6

असा जो भी बाकि प्रेरितां सांई आर्थिक मदद लैणे रा पुर हक है ताकि अपणी जरुरतां तांइ असा जो कम्म ना करणा पे।

2 कुरुन्थियों 11:8

मेरे जो होर कलीसियां रे विश्वासियां का आर्थिक मदद मिल्ली ताकि मैं तुसा बिच सेवा करी सकां। तुसा इय्यां नी बोल्ली सकदे से करणा गलत थिया।

इफिसियों 4:28

चोरी करणे वाला फिरी चोरी ना करो, पर नेक कम्म करणे तांइ मैहनत करेया करे, ताकि जिस जो जरुरत हो तिसेरी मदद करी सके।

1 थिस्सलुनीकियों 2:9

किजोकी ओ भाईयों, तुसा ने असा री कड़ी मैहनत जो याद रख्खेया ते असा ने इस तांइ रात-दिन कम्म करी के तुसा बिच परमेश्वर रा सुब बसेख प्रचार कित्ता ताकि असी अपणी जरुरतां तांइ तुसा पर बोझ ना बनण।

2 थिस्सलुनीकियों 3:8

ते कुसकी का मुफ्त बिच रोट्टी नी खाई पर मैहनत-मजदूरी करी के रात-दिन कम्म-काज करदे थिये ताकि असी तुसा बिच का कुसकी पर अपणी जरुरतां तांइ निर्भर ना हो।

1 तीमुथियुस 4:10

किजोकी असी जिंदा परमेश्वर बिच विश्वास करदे इधेरे तांइ असी संघर्ष ते मैहनत करदे ताकि तिस जिन्दगी जो हासिल करी सकण। परमेश्वर असा मणूआं जो छुटकारा दिंदे ते खासतौर पर तिन्हा लोक्कां जो जे तिन्हा बिच विश्वास करदे।

1 पतरस 2:23

जां लोक्कां ने मसीह यीशु री बेजती कित्ती थी, तां तिन्हा ने हटी करी तिन्हा लोक्कां री बेजती नी कित्ती थी। जां लोक्कां ने तिन्हा जो दुख दित्तेया, तां तिन्हा ने लोक्कां जो दुख दैणे री कोसीस नी कित्ती थी। इसेरे बजाए तिन्हा ने परमेश्वर पर मदद तांइ भरोस्सा कित्तेया। से जाणदे थिये कि परमेश्वर हमेसा सही तरिक्के कने सारेयां का हिसाब-किताब लिंदे।

1 पतरस 3:14

पर जे अगर तुसा जो भलाई रे कम्म करणे री वजह कने भी जुल्म सैह्‍णा पये, तां परमेश्वर ने तुसा जो आशीष दैणी। तिय्यां ही करो जिय्यां कि यशायाह ने पवित्रशास्त्र बिच लिख्खे रा है, “तिन्हा लोक्कां का मत डरो जे तुसा जो धमकांदे, ते इस गल्ल री फिकर मत करदे कि लोक्कां ने कै करणा।”

1 पतरस 3:9

बुराई रे बदले बुराई मत करो ते ना गाली रे बदले गाली देयो, पर इसेरे उलट आशीर्वाद ही देया करो, किजोकी परमेश्वर ने तुसा जो इधेरे तांइ सद्दे रा है ताकि तुसा सारेयां जो आशीष देयो। जे अगर तुसा इय्यां करगे, तां परमेश्वर ने तुसा जो आशीष दैणी।

1 पतरस 4:19

इधेरे तांइ तिन्हा लोक्कां जो परमेश्वर बिच विश्वास करणा जारी रखणा चाएदा जे मणू परमेश्वर री मर्जी रे मुताबिक जुल्म सहन करदे। परमेश्वर से चीज हमेसा करदे जिसेरा वादा तिन्हा ने कित्ते रा हो, इधेरे तांइ भलाई रे कम्म करदे रेयो।

यहूदा 1:9

पर इत्ते तिकर कि प्रधान स्वर्गदूत मीकाईल ने इन्हा अभक्त लोक्कां सांई कोई कम्म नी कित्तेया। जां शैतान मीकाईल कने बैह्स करेया करदा थिया कि तिन्हा दोन्नां बिच का कुण मूसा रे सरीर जो दब्बी सकदा। तां भी मीकाईल स्वर्गदूत ने इन्हा सबणी लोक्कां का जादा हक होणे रे बावजूद भी तिनिये शैतान जो गलत गल्लां नी बोल्ली, पर तिनिये ए बोल्लेया, “परमेश्वर तिज्जो झिड़के।”