1 कुरुन्थियों 3:8 - चम्बयाली नौआ नियम

⁸ मैं तुसा बिच मसीह रा बसेख सुणाया ते तुसा जो शिक्षा दैणा सुरु कित्तेया ते अप्पुल्लोस ने तुसा जो शिक्षा दैणा जारी रख्खेया पर असा दोन्नों रा इक्क ही मकसद है। पर हर इक्क जणे जो अपणे कम्मां रे हिसाब कने परमेश्वर का मजदूरी मिलणी।

1 कुरुन्थियों 3:8 ပူးပေါင်းရင်းမြစ်များ

मत्ती 16:27

किजोकी मणू रा पुत्तर, जे मैं ही है अपणे स्वर्गदूतां कने अपणे पिता री महिमा बिच आणे वाला है तां तिन्ने हर इक्क मणू जो तिसेरे कम्मां रे हिसाब कने ईनाम दैणा।

लूका 19:19

तिन्ने तिसजो बोल्लेया, तिज्जो भी पान्ज राज रा अधिकारी बणाई दिन्दा

रोमियों 2:6

परमेश्वर ने हर इक्क जो तिन्हेरे कम्मां रे हिसाब कने बदला दैणा।

1 कुरुन्थियों 15:58

इधेरे तांइ ओ मेरे प्यारे संगी विश्वासियों, विश्वास बिच मजबूत बणे रेयो ते गलत शिक्षां री वजह कने मत भटकदे, ते प्रभु रे कम्मां बिच हमेसा बदधे रेयो, किजोकी जे मैहनत तुसा प्रभु तांइ करदे से कदी बेकार नी जांदी।

1 कुरुन्थियों 3:14

ते जे कम्म तिस मणू ने तिस नीं पर कित्ते रा है, जे अगर से कम्म नी फुकिंदा, तां तिसजो ईनाम मिलणा।

1 कुरुन्थियों 3:7

इधेरे तांइ ना तां लगाणे वाला किच्‍छ है, अते ना ही सींचणे वाला, पर परमेश्वर जे बधाणे वाला है, से ही सब किच्‍छ है।

1 कुरुन्थियों 3:9

किजोकी असी मणू परमेश्वर रे सहकर्मी हिन ते तुसा विश्वासी मणू परमेश्वर रे खेत्तर सांई हिन, ते तुसा परमेश्वर रे घर सांई हिन।

1 कुरुन्थियों 4:15

मसीह यीशु रे पीच्छे चलणे तांइ तुसा जो सिखाणे वाले शायद दस हजार मणू भी होई सकदे, पर सिर्फ मैं ही तुसा तांइ इक्क प्यो सांई है, किजोकी मैं ही सबका पैल्ले तुसा जो सुब बसेख सुणाया, जिसेरा अंजाम ए होया कि अवे तुसा मसीह यीशु बिच विश्वास करदे।

1 कुरुन्थियों 9:7

इदेया कोई भी मणू नी है जे फौज बिच सिपाई रा कम्म करदा हो ते अपणा खर्चा अप्पु ही चुकदा हो। इदेया कोई भी मणू नी है जे अंगूर रा बगीच्चा लांदा ते से तिस बगीच्चे रा फल्ल ना खांदा हो। इदेया कोई भी मणू नी है जे भेडू-बकरु चारदा हो ते तिन्हेरा दूद्द ना पिंदा हो।

गलातियों 6:4

पर हर इक्क जणा अपणे-अपणे कम्मां जो परखी लै कि से ठीक हिन कि नी। जे अगर तिन्हेरे कम्म सही होए तां से अप्पु तांइ गर्व करी सकदे पर तिन्हा जो अपणे कम्मां जो दूज्जेयां कने बराबरी ना करे।

गलातियों 6:5

किजोकी असी सारे जणे अपणे-अपणे कम्मां तांइ जिम्मेवार हिन।

इब्रानियों 6:10

किजोकी परमेश्वर हमेसा इंसाफ ही करदे; तिन्हा ने तुसा रे से कम्म नी भुलणे ते ना तुसा रे तिस प्यार जो भुलणा जे तुसा ने तिन्हेरे लोक्कां री मदद करी के दिखाया। ते तिन्हा ने से भी याद रखणा अब्बे जे तुसा तिन्हेरे लोक्कां री मदद करेया करदे हिन।

1 पतरस 5:4

जां मसीह यीशु ने हटी आणा जे असा रे सबका बड्डे पुहाल हिन, तां तिन्हा ने तुसा जो इक्क इदेया ईनाम दैणा जिसेरी चमक कदी नी मुकणी।

2 यूहन्ना 1:8

इधेरे तांइ तुसा इदेय मणूआं का चुकन्ने रेयो कि से तुसा जो धोखा ना दैण ताकि परमेश्वर री सेवा करणे तांइ तुसा जे मैहनत कित्ते री है, से बेकार ना जाओ पर इसेरे बजाए परमेश्वर तुसा जो तुसा री सेवा रा ईनाम दे।

प्रकाशित वाक्य 2:23

मैं तिन्हा लोक्कां जो मारी रखणा जे तिसेरी सीख पर चलदे, ते इस कने सारी कलीसिया रे मणूआं ने जाणी जाणा कि मैं इन्सान री सोच ते मकसद री छानबीन करदा। मैं तुसा बिच का हर इक्क जणे जो तिन्हेरे कम्मां रे हिसाब कने ईनाम दैणा।

प्रकाशित वाक्य 22:12

तां फिरी मसीह यीशु ने बोल्लेया, सुणो, मैं झट ही आणे वाला है। मैं हर इक्क मणू जो तिन्हेरे कम्मां रे हिसाब कने फल्ल दैणा।