1 कुरुन्थियों 3:14 - चम्बयाली नौआ नियम

¹⁴ ते जे कम्म तिस मणू ने तिस नीं पर कित्ते रा है, जे अगर से कम्म नी फुकिंदा, तां तिसजो ईनाम मिलणा।

1 कुरुन्थियों 3:14 ပူးပေါင်းရင်းမြစ်များ

1 कुरुन्थियों 3:8

मैं तुसा बिच मसीह रा बसेख सुणाया ते तुसा जो शिक्षा दैणा सुरु कित्तेया ते अप्पुल्लोस ने तुसा जो शिक्षा दैणा जारी रख्खेया पर असा दोन्नों रा इक्क ही मकसद है। पर हर इक्क जणे जो अपणे कम्मां रे हिसाब कने परमेश्वर का मजदूरी मिलणी।

1 कुरुन्थियों 4:5

इधेरे तांइ, पैल्ले ही कुसकी गल्ल रा हिसाब कताब मत करेया करो, बल्कि जां तांइ प्रभु नी आंदे तां तांइ रुकी रेयो। किजोकी तिन्हा ने लोक्कां री दिल री लुके री गल्लां रे बारे बिच साफ-साफ दसणा जिन्हा रे बारे बिच कोई नी जाणदा। तिन्हा ने लोक्कां रे दिल रे लुके रे इराद्देयां जो साफ-साफ ज़ाहिर करणा। तां फिरी परमेश्वर ने सारेयां री तारिफ करणी।

1 कुरुन्थियों 9:17

जे अगर मैं अपणे मर्जी कने सुब बसेख रा प्रचार करां तां परमेश्वर ने मेरे जो ईनाम दैणा। पर जे अगर मैं ए अपणी मर्जी कने ना करां तां भी ए इक्क पवित्र जिम्मेदारी है जे परमेश्वर ने मेरे जो सौंप्पे री है।

गलातियों 6:4

पर हर इक्क जणा अपणे-अपणे कम्मां जो परखी लै कि से ठीक हिन कि नी। जे अगर तिन्हेरे कम्म सही होए तां से अप्पु तांइ गर्व करी सकदे पर तिन्हा जो अपणे कम्मां जो दूज्जेयां कने बराबरी ना करे।

1 थिस्सलुनीकियों 2:19

भला असा री आस या खुसी या बड़ाई रा ताज कुण है? असा रे प्रभु यीशु रे हटणे बेल्ले से तुसा ने ही होणा।

2 तीमुथियुस 4:7

इक्क पहलवान सांई मैं भी इक्क ठीक लड़ाई लड़े री है, मैं से कम्म पूरा कित्ते रा है जे मेरे जो मसीह ने दित्तेया थिया जिय्यां कि इक्क दौड़ लाणे वाला अपणी दौड़ पूरी करदा ते मैं आखिर तिकर भरोस्सेमंद रेया।

1 पतरस 5:1

तुसा रे कलीसिया रे बुजुर्ग लोक्कां कने मैं इक्क संगी मुखिया ते मसीह पर होए जुल्मां रा इक्क इदेया गवाह होणे रे नात्ते, जिनिये तिन्हेरी महिमा बिच हिस्सेदार भी होणा ए बिनती करदा,

1 पतरस 5:4

जां मसीह यीशु ने हटी आणा जे असा रे सबका बड्डे पुहाल हिन, तां तिन्हा ने तुसा जो इक्क इदेया ईनाम दैणा जिसेरी चमक कदी नी मुकणी।