1 कुरुन्थियों 3:1 - चम्बयाली नौआ नियम

¹ ओ संगी विश्वासियों, मैं तुसा रे कने तिय्यां गल्ल नी करी सकेया, जिय्यां आत्मिक मणूआं कने करदा। पर इसेरे उलट मेरे जो तुसा कने इय्यां गल्ल करणा पेई जिय्यां कि दुनियावी मणूआं कने कित्ती जांदी, मतलब उन्हा कने जे मसीह यीशु री गल्लां जो समजणे बिच हल्ले बच्चे हिन।

1 कुरुन्थियों 3:1 ပူးပေါင်းရင်းမြစ်များ

मत्ती 16:23

तां यीशु ने मुड़ी करी पतरस जो बोल्लेया, ओ शैतान, मेरे सामणे का दुर होई जा तू मेरे तांइ इक्क अड़चन है किजोकी तू परमेश्वर री गल्लां पर नी, पर मणूआं री गल्लां पर मन लगादां।

रोमियों 7:14

असी जाणदे कि मूसा रा कानून तां आत्मिक है, पर मैं सिर्फ इक्क इन्सान है, ते पाप रे हत्थां गुलाम बणाई करी बेच्चेया गे रा है।

1 कुरुन्थियों 14:20

ओ संगी विश्वासियों, इन्हा गल्लां जो समजणे बिच बच्चेयां सांई ना बणो, बुराई करणे बिच तां बच्चेयां सांई अनजाण ही रेयो, पर इन्हा गल्लां जो समजणे बिच अक्कलमंद बणो।

1 कुरुन्थियों 14:37

जे कोई मणू अपणे आप जो भविष्यद्वक्ता या इदेया कोई मणू समजदा जिस जो पवित्रात्मा कोई खूबी दित्ते री हो, तां से मणू ए जाणी लै कि जे गल्लां मैं तुसा जो लिखदा से प्रभु रे हुकम हिन।

1 कुरुन्थियों 2:6

फिरी भी असी पक्के विश्वासियां रे बिच ज्ञान री गल्लां सुणान्दे हिन, पर ए ज्ञान कोई दुनियावी ज्ञान नी है ते ना ही इस जुग रे प्रधान लोक्कां रे ज्ञान जदेया है जे इक्क दिन नास होई जाणा।

गलातियों 6:1

ओ संगी विश्वासियों, जे अगर कोई मणू कुसकी गलत कम्म करदा पकड़ेया भी जाओ, तां तुसा मणू जे पवित्रात्मा रे कहे मुताबिक चलदे, निम्तेपन कने इदेय मणू जो सही रस्ते पर वापिस लेयो, ते अपणे तांइ भी चुकन्ने रेयो ताकि तुसा पाप करणे री परिक्षा बिच ना पेई जाओ।

इब्रानियों 5:13

दूद्द पिंदे बच्चे नी जाणदे कि पवित्रशास्त्र बिच लिख्खे री शिक्षा रे हिसाब कने परमेश्वर री नजर बिच धार्मिकता री जिन्दगी किय्यां जीणा चाएदी।

1 यूहन्ना 2:12

ओ बच्चेयों, मैं तुसा जो इधेरे तांइ लिखदा की मसीह यीशु रे नां कने तुसा रे पाप माफ होए रे हिन।