1 कुरुन्थियों 2:9 - चम्बयाली नौआ नियम

⁹ पर जिय्यां की पवित्रशास्त्र बिच लिख्खे रा है, “जिन्हा गल्लां जो कुसकी ने नी दिख्खेया अते कुसकी ने नी सूणेया, अते कुसकी ने तिन्हा ठीक गल्लां जो नी समजेया जे परमेश्वर ने अपणे प्यार करणे वालेयां तांइ तैयार कित्तेया।”

1 कुरुन्थियों 2:9 ပူးပေါင်းရင်းမြစ်များ

मत्ती 20:23

उन्हा ने उन्हेरे जो बोल्लेया, तुसा मेरा कटोरा तां पिग्गें पर अपणे सीद्दे पास्से ते पुठ्ठे पास्से बेठ्ठाणा मेरा कम्म नी है, पर जिन्हेरे तांइ मेरे पिता रे पास्से का तैयार कित्ते रे गेया है उन्हेरे तांइ है।

मत्ती 25:34

फिरी मैं अपणे सज्जे हत्थ पास्से वालेयां जो बोलणा, ओ मेरे प्यो का आशीष पाये रे लोक्कों, आओ, ते जे राज तुसा रे तांइ दुनिया रचणे का पैह्ल्ले तैयार कित्तेया गेया है उसेरे अधिकारी होई जाओ।

यूहन्ना 3:16

किजोकी परमेश्वर ने दुनिया रे लोक्कां कने इन्ना प्यार कित्ती कि तिन्हा ने अपणा इकलौता पुत्तर देई दिता कि जेड़ा तिस पर विश्वास करे से नास न हो पर हमेसा री जिन्दगी पाओ।

रोमियों 8:28

असी जाणदे कि परमेश्वर हर गल्ल बिच तिन्हा लोक्कां कने भलाई करदे जे तिन्हा कने प्यार करदे। परमेश्वर ने तिन्हा लोक्कां जो अपणे मकसद तांइ चुणे रे हिन।

इब्रानियों 11:16

पर से सबका खरी चीज मतलब स्वर्ग रे चाह्‍णे वाले हिन इधेरे तांइ परमेश्वर तिन्हा का परमेश्वर केहलाणे बिच खुस हुदें थिये, किजोकी तिन्हा ने तिन्हेरे तांइ इक्क सहर तैयार कित्ते रा है।

याकूब 1:12

धन्न है से मणू, जे परखे जाणे रे बेल्ले टिकी रैहन्दा; किजोकी खरा साबित होणे पर तिसजो हमेसा री जिन्दगी रा से मुकट मिलणा, जिस जो दैणे रा वादा परमेश्वर ने तिन्हा लोक्कां कने कित्ते रा है जे परमेश्वर कने कित्ते रा है।

याकूब 2:5

ओ मेरे प्यारे संगी विश्वासियों, ध्यान देयो, परमेश्वर ने इस दुनिया रे गरीब लोक्कां जो मता विश्वास दित्ते रा है ते से अपणे राज रा हिस्सा तिन्हा सारे लोक्कां जो दैणे रा वादा कित्ते रा है जे परमेश्वर कने प्यार करदे।

1 पतरस 1:12

पर परमेश्वर ने तिन्हा भविष्यद्वक्तां जो ए दस्सेया कि ए बसेख तिन्हा तांइ नी पर तुसा लोक्कां तांइ है। से बसेख मसीह यीशु रा सुब बसेख है जिस जो अवे तुसा सुणी चुके रे हिन। तुसा जो सुब बसेख सुनाणे तांइ लोक्कां री मदद तांइ परमेश्वर ने स्वर्ग का अपणे पवित्रात्मा जो भेज्जेया थिया। स्वर्गदूत भी इन्हा गल्लां जो बड़े उत्तेजित होई करी दिख्खेया करदे हिन।

1 यूहन्ना 4:19

असी परमेश्वर कने ते दूए लोक्कां कने इधेरे तांइ प्यार करदे किजोकी परमेश्वर ने पैल्ले असा कने प्यार कित्ता।